رواية سمرائي(أنتي حقي سمرائي) للكاتبه/سعاد محمد سلامه

 

الذى يشعر هو الأخر بالحرج ولكن قال أنا كنت مفكر عاصم فى المكتب لوحده كنت عاوزه فى أمر خاص بالشغل لما شوفت النور والع قولت كويس آسف 
إزيك يا سمره حمد لله على سلامتك فرحت لما شوفتك تانى وفرحت أكتر أنك جيتى لهنا فى ڤيلا الصقور نورت.
تبسمت سمره بخجل قائله شكرا يا عمران هستأذن أنا شكلك عاوز عاصم فى حاجه مهمه هطلع أكمل نومى تانى.

تبسم عمران يقول أيه الحمل جايلك على نوم شكل الولد هيطلع كسول.
تبسمت سمره قائله مش يمكن بنت وبكره تشوفوا الدكتوره غلطانه.
تبسم عاصم كذالك عمران الذى قال بنت وسط الصقور
زيك كده كنتى البنت الوحيده وسطينا لسه فاكر عامر لما كان يضربك وتشتكى منه لبابا وبابا يعاقبه بحرمانه من المصروف ويديه ليكى أنتى بس انتى كان قلبك طيب وبتدى لعامر المصروف من وراء بابا.
ضحكت سمره وتحدث عاصم يقول كان ده بيحصل وانا معرفش.
رد عمران أنت كنت هنا فى القاهره مطحون علشان ترجع تقوم المصنع تانى يقف على رجليه ويشتغل بس عامر كان بيعمل مقالب كتير فى سمره ومع ذالك كانت ساذجه و بتصدقه وترجع تلعب معاه وعلشان كده طلع عليها لقب العصفوره.
تبسمت سمره وهى تنظر لعاصم وتكلمت بأيحاء فعلا أنا ساذجه وبصدق أى حاجه حتى الى مش بيتقالى بمشى بأحساسى وبصدقه يلا هسيبكم مع بعض تصبح على خير.
رد عمران وأنتى من أهله يا سموره.
تبسمت له سمره وغادرت الغرفه وأغلقت خلفها الباب.
نظر عاصم لعمران قائلا جاى منين دلوقتي.
زفر عمران قائلا من عند سليمه.
رد عاصم قائلا برضوا لسه واخده نفس الموقف أنا بستعجب موقفها ده.
تنهد عمران يتذكر قبل قليل
فلاشباك حين 
قال لها وهو يجلس على الفراش جوارها وفتح أزرار قميصه من على صدره ومسك يدها يضع ذالك المشرط ويقرب يدها من صدره قائلا 
سليمه ده مشرط طبى نفس الى فى يوم شق صدرى وزرع القلب ده جوايا خدى شقى صدرى وطلعيه يمكن نرتاح أحنا الأتنين
ارتعشت يد سليمه وتركت المشرط ليقع على الفراش من بين يديهم
أقترب عمران وبلهفه ضم رأس سليمه لصدره.
بينما نزلت دموع سليمه منها على صدر عمران شعر كأنها ألسنة لهب.
تحدثت سليمه قائله صدقنى يا عمران صعب عليا أرجوك سيبنى دلوقتى أنا محتاجه وقت علشان أقدر أفكر أتقبل وأتأكد من مشاعرى أنا حاسه أنى بين طواحين الهوا
نظر عمران لوجه سليمه قائلا مش هسيبك يا سليمه هتلاقينى طول الوقت جنبك قلوبنا أتربطت ببعض ومش قلوب أخوه على الاقل من أتجاهى أنا قلبى عاشق ومتأكد قلبك زيه.
عاد عمران من شروده 
ينظر لعاصم قائلا متأكد سليمه مع الوقت هتتقبل وتتأكد من حبى لها مش حب أخوه وأنت يا عاصم أمتى هتعترف لسمره بحبك ليها وتريح قلبها وقلبك 
أنا الى بستعجب موقفك مع سمره يا عاصم أنت بټموت فيها ومع ذالك مش عارف سبب لبعدك عنها الأول كنت بقول غيره من طارق بس خلاص كلنا عرفنا أن طارق أخو سمره من الأم ليه مش عاوزها قريبه منك أنا لاحظت نبرة صوت ونظرات سمره لك الحزينه.
رد عاصم بتتويه أنت غلطان أنا بس خاېف على صحتها متنساش أنها كانت مريضه وكمان حامل يعنى مكنتش هتبقى قد السفر من أسبوع وأهى جت.
رد عمران سمره جت بسبب زفاف طارق مش أنت الى قولت لها تجى لو كنت عاوزها تجى كنت هتروح تجيبها بنفسك مش تسيبها تجى مع الحراسه لوحدها بس أنت حر ليك عليا النصيحه كفايه كده أنا لو مش متأكد من مشاعرك صدقنى كنت أقنعت سمره بالطلاق.
أهتز قلب عاصم يعيد عقله الكلمه مره أخرى
طلاق لو كان يقدر على تلك الكلمه لفعلها منذ وقت قبل أن يعرف أن سمره وطارق أخوه ربما هددها بالكلمه كثيرا لكن كان بداخله يريد أن تعود له ويسقيها عذاب قلبه حين قرأ تلك الرسائل على الهاتف بينها وبين طارق كان يريد أن يذيقها عڈابه مع كل كلمة حبيبى قالتها لطارق كانت كلمه عاديه تدل على مشاعر أخوه بريئه أيضا والآن هو من يتذوق العڈاب أكثر بعهد مقيت لكن لابد لهذا من نهايه.
تحدث عمران قائلا روحت فين يا عاصم بكلمك مش بترد
أنتبه عاصم قائلا كنت بتقول أيه بس سرحت شويه.
أبتسم عمران يقول كنت بقولك أنا دققت كل ملفات مصنع أسيوط واتفاقيات العملاء الى فى منطقة المصنع ده فى كتير منها كانت فيها شروط تضرنا وكلمت عامر يحاول يعدل مع العملاء دول بعض الشروط وهو قالى أنه بدأ فعلا يتفاوض معاهم وفى منهم تجاوبوا معاه وفى منهم لسه بيحاورهم دول الى كان من مصلحتهم الاتفاق الى كان مع عاطف عاطف ده يلا ميجوزش عليه غير الرحمه مش عارف سبب للحقد والغل الى كانوا فى قلبه المصنع ده كتلة مشاكل مش عارف كان بيديره أزاى وأنت كنت ساكت عليه.
رد عاصم بابا هو الى كان بيرجعنى أخد معاه قرار حاسم بسبب عمتك عقيله بس كنت بعرف أسيطر على بعض الأخطاء زى الضرايب هو كان بيقدم ميزانيات أن أرباح المصنع ده مبالغ فيها و مع ذالك مكنتش الارباح بنفس النسبه كنت ببلعها وأسكت لانه كان متفق مع محاسب هنا قذر زيه وبيسهل له الڼصب فى الميزانيات الحقيقيه والى بتتقدم للضرايب وكمان كان فى موظف فى الضرائب نفسها بيسهله اللعبه وكان فرق الميزانيات بيتحط فى حساب خاص لعاطف بعد ما يراضى الإتنين.
تنهد عمران بيأس يقول يلا أهو أخد أيه معاه من حقده وعمتك كمان عامر بيقول أنها بقت أوقات تخترف فى الكلام وتقول أن عاطف هيرجع من السفر وأوقات تصرخ وتنوح والله صعبان عليا سولافه.
زفر عاصم يود أن ېصرخ ويقول أن عاطف هو السبب فى البعد بينه وبين سمره ليته يعود للحياه يقتص منه على أنه يوما فكر بأذيتها.
...............
بعد مرور يومين 
صباحا 
بشركة الصقر 
دخلت مديرة مكتب عمران له تحمل ورقه 
قائله 
مستر عمران الايميل ده مبعوت عالشركه وهو من الآنسه سليمه الهادى بتقدم أستقالتها فيه من منصبها.
أخد عمران الورقه ووضعها أمامه قائلا متشكر أتفضلى انتى
وضع عمران الاستقاله أمامه وقام بالاتصال على هاتف سليمه أكثر من مره لم ترد عليه 
فقام بالأتصال على والداها 
الذى رد عليه 
بعد السلام بينهم 
تحدث عمران قائلا سليمه بعتت أستقالتها من منصبها وبطلبها مش بترد عليا
تنهدرفعت بانتهاء صبر قائلا لا كده الموضوع زاد عن حده انا لازم أدخل أنا كنت بعيد وقولت هى مع الوقت هترجع لطبيعتها وتأيقن الى حصل كان قدر مش مترتب سلام أنت دلوقتي. 
أغلق عمران الهاتف ووضعه أمامه على المكتب ينظر لتلك الأستقاله دقيقه ثم قطعها بأمل. 
... 
بينما بشقة رفعت 
دخل الى سليمه وجدها تجلس أمام حاسوبها فى البدايه أبتسم واعتقد أنها عادت تعمل على رسالة الماجستير لكن حين أقترب ووضحت الصوره أمامه ونظر بتمعن على الحاسوب ماكان الأ صورا ل سلمى بمواقف حياتيه سابقه 
تغرغرت الدموع بعين رفعت قائلا سلمى عمرها كان خلص ومحدش بيقدر يوصل
 عمر صدقينى لو كان العمر بيتوصل كنت وصلت عمرها هى ومامتك بس ده القدر 
سلمى كانت ماټت قبل ما تدى قلبها لعمران سلمى جهاز التنفس صفر قبل قلبها ما يتنقل لعمران بأكتر من ست ساعات كان جهاز الاكسجين موضوع عليها علشان يفضل القلب منتعش لحد ما يجى عمران من قنا.
دارت سليمه وجهها ونظرت لوالدها بذهول قائله يعنى أنت كنت عارف بكده من زمان.
رد رفعت أبقى كذاب لو قولتلك أه وكمان لو قولتلك لأ فاكره لما قولتليى هشتغل فى شركة الصقر فى البدايه كنت معارض بس مامتك جاتلى فى الحلم وقالتلى سيبها يا رفعت سليمه هتلاقى قلبها هناك.
تعجبت سليمه قائله 
 

الخاتمة الثانيه +حلقه خاصه

رواية سمرائي أنتي حقي سمرائي للكاتبه سعاد محمد سلامه 
الخاتمه الجزء الثانى. 
....... 
بمكتب عمران 
تبسمت سليمه وهى تبتعد قليلا عن عمران قائله 
مش قبل ما توافق على شرطى وتعرفه الأول.
رد عمران أى شئ يقربك منى عندى مقبول ما عدا أنك تقوليلى هستقيل.
ضحكت سليمه قائله ليه متوقع أنى هقدم أستقالتى مره تانيه.
تبسم عمران متأكد أن هيجى اليوم وتقدمى أستقالتك سليمه أنتى مينفعش تشتغلى مع حد رئيس عليكى لو واحد غيرى كان رفدك من زمان.
أبتسمت سليمه قائله قصدك أيه أنى مقصره فى شغلى.
رد عمران لأ أنا بعترف أنك من أنشط المحامين بس لسانك وطريقتك الحاده مش أى مدير يقدر يتقبلها.
بنفس البسمه ردت سليمه وأنت أتحملت طريقتى الحاده ليه.
رد عمران هقولك من البدايه كنت أوقات ببقى مضايق من طريقتك بس كان بيغفرلك نشاطك فى العمل ودى نقطه ممكن تكون لصالحك بس مش مع كل المديرين وبعد كده بدأت مشاعرى هى الى تتحكم فيا وأتقبل طريقتك دى وبالعكس كمان كنت أنا أوقات بحب أستفزك.
ضحكت سليمه قائله حلو أهو فى النهايه أعترفت أنك كنت بتقصد تستفزنى علشان أعاملك بطريقتى الحاده وفعلا عندك حق أنا منفعش فى شغل رئيس ومرؤوس بس فتره منكرش أتعلمت منها حاجات كتير وكمان كانت فرصه أنى أقابلك تقدر تقول كانت لعبة القدر أنه يجمعنا بس أطمن مش هسيب الشغل هنا قبل ما أستاذه فاطمه ترجع وتستلم مكانها هو بس أسبوع هاخده أجازه وهرجع تانى
تبسم عمران وأقترب منها واضعا يديه حول خصرها قائلا بمكر بس أنتى هتسيبى الشغل أجبارى بعد فتره صغيره ممكن يكون لمده صغيره كده شهر عسل مثلا.
ردت سليمه ببسمه قائله الكلام أخدنا ونسيت تعرف شرطى.
رد عمران وأيه هو الشرط ده بقى
ردت سليمه شرطى نعمل زفافنا فى مركب فى النيل أنا عرفت كده من فتره أن عندكم يخت ممكن نعمل عليه الزفاف وكمان ليا طلب تانى.
رد عمران بموافقه قائلا 
فعلا عندنا يخت والشرط ده سهل وصعب فى نفس الوقت أحنا فى الشتا والطقس مش مضمون ووقتها يبقى صعب نعمل الزفاف عليه بس ممكن نعمله واليخت واقف عالشط.
ردت سليمه برفض قائله تؤتؤتؤ لازم يكون اليخت فى النيل وكمان طلبى أكيد طالما هيبقى فى شهر عسل يبقى هنقضيه كمان عاليخت فى النيل أنا عاوزه أحقق أمنيه قديمه وهى أنى أقضى أسبوع على يخت فى النيل وأبدأ الرحله من القاهره لأسوان.
فكر عمران قليلا ثم قال هو الجو مش مضمون للملاحه فى النيل بس أنا موافق حتى لو قامت رياح قويه وڠرقت اليخت كفايه أننا هنغرق سوا. 
...........بأسيوط 
تدخل الأمن للفض بين المعيد وعامر ثم أدخل الأثنان وبرفقتهم سولافه وزميلتها الى غرفة عميد الجامعه.
كانت سولافه تشعر بالخذو من فعلة ذالك الأحمق عامر ونزلت دموعها التى جففتها سريعا.
بينما تحدث عميد الجامعه قائلا ياريت أعرف أيه الى حصل بوضوح وأتسبب فى المهزله الى حصلت قدام الحرم الجامعى وكانت فوضى ولا كأن الحرم الجامعى ده ساحة قتال وبالأخص أنها كانت مع أحد المعيدين بالجامعه يعنى المفروض يكون له وقاره قدام طلابه وقدوه لهم مش يشتبك هو كمان ويتهور.
قاطع المعيد عميد الجامعه قائلا قبل اى شئ أنا متأسف على الموقف ده بس حضرتك
مش أنا الى بدأت بالھجوم ولا بالتهور الى بدأ هو المتخلف ده حضرتك أنا معرفش مدى قرابته من الأنسه سولافه وسبق قبل كده وأتعامل بقلة ذوق معايا وعديتها لنفس السبب الى حضرتك قولت عليه أنى قدوه لطلابى وحاولت أكلمه بهدوء منفعش أطاول عليا وكمان لما الآنسه سولافه أعتذرت ليا هو أستغبى أكتر وبدأ بالضړب فرديت عليه بطريقته المتخلفه علشان أعرفه أنى أقدر أتعامل مع أمثاله المتخلفين.
كان عامر يستمع الى حديث المعيد وعميد الجامعه وهو يحاول ضبط نفسه لأقصى درجه بسبب قول ذالك المعيد الأحمق ونعته له بالمتخلف لكن أنتهى صبره وقبل أن يتحدث بهجوم 
شعرت سولافه أن عامر سوف يظهر وقاحته فتحدثت لعميد الجامعه قائله 
أنا بتأسف جدا كل ده بسببى ولو وحضرتك
أمرت بأى عقاپ عليا أنا هنفذه البشمهندس عامر يبقى أبن خالى وزى أخويا وهو فاهم غلط.
نظر عامر ل سولافه قائلا بسخريه 
زى أخوكى وماله بس أيه الى أنا فهمته غلط.
ردت سولافه أن حضرة المعيد يبقى خطيب صاحبتى دى وأنا كنت خارجه مع صاحبتى وهو بصفة خطيبها من باب الجامعه سوا.
صدم عامر من قول سولافه فوقع نظره على بنصر المعيد وجد بها دبله خطوبه وكذالك صديقاتها التى تقف معها بيدها دبله أذن هو تسرع كعادته حين يغضب. شعر أنه بالفعل أحمق لكن لأ هى السبب بعدها عنه زرع الشك بقلبه.
تنحنح عامر خجلا ونظر الى عميد الجامعه يقول فعلا أنا فهمت الموضوع غلط وبعتذر.
رد العميد قائلا أعتذارك لازم يكون لسيادة المعيد وكمان ياريت بعد كده تبقى تفكر قبل ما تتهور يا بشمهندس خليت أيه للشخص الجاهل لما تبقى مهندس وتتعامل بالتخلف ده ولا قطاعين الطرق وهكتفى بأعتذارك بسبب الأنسه الى قدامى علشان مستقبلها الدراسى وبعد كده ممنوع تقرب من الجامعه وأنا هعطى أمر لأمن بوابة الجامعه لو شافك جنب باب الجامعه يتعامل معاك ويطلب الشرطه فورا.
نظر عامر لعميد الجامعه يراجع قوله ألا يعرف مع من يتكلم أنه يتكلم مع أحد صقور شاهين كان عليه التحدث بطريقه أفضل لكن لا بأس فهو أخطأ الفهم.
أبتلع عامر ريقه پغضب حاول يسيطر عليه وأماء برأسه بصمت.
تحدث المعيد قائلا متشكر يا حضرة العميد على سعة صدرك وفهمك للأمر.
بينما تحدثت سولافه قائله متشكره جدا لتفهم لحضرتك وبتآسف مره تانيه.
رد العميد قائلا أنتم زى ولادى وميرضنيش أضيع مستقبلكم بسبب سوء فهم وبتمنى ميتكررش ودلوقتي أتفضلوا.
خرج الأربعه من غرفة العميد كان عامر يشتعل ڼار فجذب معصم سولافه لتسير معه فى البدايه تضايقت منه ولكن حين كاد المعيد أن ېتهجم مره أخرى مع عامر قالت لتهدأ الموقف أنا ماشيه مع عامر أقابلكم السكشن الجاى ثم نظرت لزميلتها قائله هستناكى بكره تجيلى البيت ومعاكى كشكول المحاضرات نذاكر سوا سلام.
قالت سولافه هذا ثم قالت لعامر سيب أيدى بتوجعنى 
ترك عامر معصمها 
لتسير جوار عامر الى أن أبتعدا عن الجامعه قليلا وأقتربا من سيارة عامر وقف سولافه تشير بيدها لتاكسى ليقف لها لتتجه أليه لتركبه 
لكن يد عامر جذبتها من معصمها مره أخرى بقوه قائلا أنا هوصلك وكفايه الى حصل من شويه كفايه أستفزاز مشى معايا 
قال عامر هذا وأشار لسائق التاكسى بالذهاب بينما هو سحب سولافه من معصمها خلفه الى أن وقف أمام باب سيارته فتح السنتر لوك ثم فتح لها الباب قائلا أركبى.
نفضت سولافه يد عامر قائله مش هركب ومالكش دعوه أنا هشاور لتاكسى تانى وبلاش طريقتك الهمجيه دى معايا.
نظر لها عامر قائلا سولافه أركبى أحسنلك من شويه كنت متخلف بقيت همجى عارفه لو مركبتيش العربيه أنا هعرفك مين المتخلف بصحيح ومش هيهمنى أننا فى وسط الطريق 
قال هذا وفتح باب السياره وقام بأجبارها للدخول