ډمرت حياتي للكاتبة ملك إبراهيم.

عمل المستحيل واكتر من المستحيل عشانك يا ريهام وانتي مقدرتيش ده
اتكلمت ريهام پبكاء لا يا طنط والله انا كنت مقدرة بس انا بحب سيف وهو من يوم ما اتجوزنا وكان هو على طول سايبني لوحدي وانا اعصابي كانت تعبانه 
لتتابع پبكاء اشد انا كنت فاكره اني لما هتجوز هنعيش انا وسيف حياتنا كلها سعاده وخروج وفسح..بس لما اتجوزنا اټصدمت من الحياه الا انا عشتها..يا طنط انا مكنتش بشوف سيف في ال
ساعه غير 5 دقايق وهو بينام جانبي على السرير وكان بينام في لحظه من كتر التعب يعني لما كنت استغل فرصة انه جانبي واتكلم معاه الاقي رده عليا هو نومه وهو بيسمعني
ردت والدة سيف بهدوء بس انتي كدا فكرتي في نفسك وبس يا ريهام مفكرتيش في سيف ولو لحظه واحده مفكرتيش ان سيف كان بيتعب اد ايه وهو بيشتغل ليل ونهار عشانك مفكرتيش ان هو كمان كان بيحلم بالسعاده الا هيعشها معاكي بعد الجواز مفكرتيش هو عمل ايه عشان يقدر يوفرلك كل الطلبات الا والدتك ضغطت عليه فيها.. انتي شوفتي من زويتك انتي وبس يا ريهام.. صدقيني لو كنتي شوفتي الصورة كامله كنتي هتشوفي اد ايه سيف ضحى وتعب عشانك
ردت ريهام بتأكيد انا دلوقتي بقيت شايفه الصورة كامله صدقيني
ردت والدة سيف بعد ايه يا ريهام..بعد ما كسرتيه وعقدتيه.. سيف كان بيقف هنا قدام عيني ويلعن اليوم الا فكر يتجوز فيه.. سيف الا طول عمره كان بيكره ريحة السجاير كنت باخد من اوضته الطفاية فيها بالعلبتين خلصانين كل يوم.. سيف مبقاش سيف الا انتي تعرفيه
ردت ريهام پبكاء بس سيف بيحبني يا طنط وانا بحبه وصدقيني انا عمري ما هسمع كلام ماما تاني
________________________________________
بس هو يرجعلي وانا هعوضه عن كل الا فات
دخل سيف على كلامها واتكلم پعنف
سيف تعوضيني عن ايه بالظبط يا ريهام وتعوضيني ازاي
وقفت ريهام ونظرة له باشتياق وقربت منه بلهفه وهي عايزه تضمه 
رفع ايديه يوقفها عشان متقربش منه واتكلم بجمود
سيف خليكي عندك يا ريهام متقربيش اكتر من كدا انتي دلوقتي واحده غريبه عني ومتحرمه عليا
وقفت ريهام مكانها وهي پتبكي واتكلمت پبكاء
ريهام انا اسفه يا سيف ياريت تسامحني 
رد سيف بجمود اسفك مش مقبول يا ريهام وياريت تتفضلي من هنا
وقفت والدته واتكلمت بحزن عيب كدا يا سيف دي مهما كان في بيتنا
رد سيف پغضب وهما عرفوا العيب دا لما انتي روحتيلهم بيتهم
نظرة له والدته بصدممه
والدته انت عرفت ازاي ان انا روحتلهم
رد سيف بقوة عرفت لاني عارفك كويس يا امي وكنت عارف ان انتي هتروحيلهم وعرفت كمان ردهم عليكي من الحزن الا كنتي بتحاولي تداريه عني
ليتابع وهو بينظر ل ريهام بجمود لوسمحتي يا ريهام اتفضلي وياريت متجيش هنا تاني وخلي الست والدتك تجوزك واحد على مزاجها او خليها تطلب من جوز بنت خالتك يشوفلك عريس يكون صاحبه عشان يقدر على طلبات الست الولدة
ردت ريهام پبكاء بس انا مستحيل اتجوز غيرك يا سيف..
لتتابع وهي بتحاول تقرب منه يعني انت يا سيف ترضى ان راجل غيرك يلمسني ترضي ان راجل غيرك ياخدني في حضنه
تأملها بعمق واتكلم ببرود
سيف هتصدقيني لو قولتلك انك مبقتيش فرقه معايا
نظرت له بصدممه واتكلمت پبكاء
ريهام للدرجادي يا سيف
________________________________________
رد بقوة واكتر
بكت اكتر واتكلمت بس الا حصل دا انا مليش ذنب فيه يا سيف مش غلطتي ان انا بسمع كلام ماما لاني واثقه فيها وعارفه انها عايزه مصلحتي
اتكلم سيف بغيظ يعني عايزه تفهميني ان والدتك هي الا بعتاكي دلوقتي
ردت پبكاء لا طبعا انا اتحديت ماما عشانك وجتلك ڠصب عنها
اتكلم سيف ببرود واتحدتيها وجيتي ڠصب عنها ليه وانتي لسه قايله انك كنتي بتسمعي كلامها عشان هي عارفه مصلحتك 
ليتابع بصوت مرتفع غاضب ليه جيتي دلوقتي وجايه تطلبي اننا نرجع لبعض وانتي عارفه ان دا ضدد مصلحتك الا والدتك تعرفها اكتر منك
ردت پبكاء انا جيالك ومده ايدي ليك يا سيف ننسى كل الا حصل ونبدء من جديد
رد عليها بجمود وانا مش هطلع احسن منك يا ريهام وزي ما انا جيتلك في يوم وانا مادد ايدي ورجعتيني مكسور انا كمان هرجعك مکسورة
ليتابع پعنف اتفضلي يا ريهام بعد اذنك عشان مامتك ما تقلقش عليكي
بكت بشده ونظرة له بحزن..
تنفس پغضب وتابع بانفعال امشي ياريهام 
ركضت بسرعه خارج منزله وهي پتبكي..
قربت والدة سيف من ابنها واتكلمت بحزن
والدة سيف ليه كدا يا سيف كنت تديها فرصه تانيه
نظر لوالدته بدهشه واتكلم بزهول انتي الا بتقولي كدا يا ماما
ردت والدته بحزن ايوا انا الا بقول كدا لاني عرفاك كويس يا سيف وعارفه انت اد ايه بتحبها
رد بقوة كنت
نظرة له والدته بدهشه ليتابع بتأكيد
سيف كنت بحبها يا امي لكن دلوقتي مفيش في قلبي ليها اي مشاعر لا كره ولا حب انا مبقتش شايفها اصلا
حزنت والدته واتكلمت بهدوء متضحكش على نفسك يا سيف انا متأكده ان انت بتحبها
نظر لوالدته واتكلم بهدوء خلاص يا ماما حكاية ريهام دي اتقفلت وعشان خاطري بلاش تفتحيها تاني
رواية ډمرت حياتي بقلمي ملك إبراهيم
________________________________________
في شقة والدة ريهام
رجعت ريهام وهي پتبكي قابلتها والدتها واتكلمت بسخريه
والدة ريهام ايه طردك ولا اهانك قدام امه
دخلت ريهام غرفتها بدون ماترد على والدتها
وقفت والدتها وهي بتتكلم بقوة
والدة ريهام ماشي يا سي سيف ان محرقتش قلبك زي ما انت حارق قلب بنتي كدا مبقاش انا 
خدت والدة ريهام تليفونها واتصلت على مدحت ابن اختها
والدة ريهام ايوا يا مدحت انا عيزاك تجيلي ضروري
بعد يومين
قعد سيف على مكتبه..قرب منه كريم واتكلم معاه بجديه على غير العاده نظر له سيف واتكلم بدهشه
سيف خير يا كريم شكلك مش طبيعي
رد كريم بجديه اصل بصراحه كنت عايز اخد رأيك في موضوع كده
سيف بدهشه موضوع ايه 
كريم موضوع يخص زينه المحاميه الا كانت جاتلك هنا مرة 
دق قلب سيف پعنف لما كريم نطق اسم زينه ونظر ل كريم بانتباه واتكلم بقلق
سيف مالها زينه
رد كريم كنت عايز اسألك يعني ايه رأيك فيها 
سيف وهو بينظر ل كريم بدهشه مش فاهم رأيي من نحية ايه !
رد كريم يا عم ركز معايا انا قصدي يعني رأيك فيها.. في اخلاقها.. في عيلتها..في امها مثلا متكونش زي حماتك اللهم احفظنا
شعر سيف بڼار في قلبه واتكلم وهو بيحاول يداري غيرته على زينه من مجرد نطق كريم لأسمها
سيف برضه مش فاهم انت بتسأل ليه !
رد كريم بسعاده اصلي بفكر اتجوز وبصراحه من يوم ما شوفتها هنا في المكتب وهي شاغله قلبي وتفكير
في اللحظه دي سيف كان بيفكر انه يلكمه في وجهه بقوة.. لكنه منع نفسه بالعافيه لان مفيش اي رابط بينه وبين زينه عشان يعمل حاجه زي كدا 
فكر لحظه مع نفسه ولقى ان من وجهة نظره انها تستاهل شخص كويس يحبها ويحافظ عليها واكيد مش هتلاقي احسن من كريم لانه عارفه كويس وعارف انه اكيد هيصونها ويحافظ عليها
اتكلم سيف بتأكيد ونعم الاختيار يا صاحبي بصراحه هي انسانه كامله