محضر من بيت الطاعه

بكده وكل الى كان بيعمله معاكى كان من ورا قلبه هو فى الاول كان مخنوق منك وكان عايز يقتلك لكن لما عشتى معاه فى البيت اتعود عليكى واتعود على وجودك فى حياته وكان بيكابر لحد ماعرف أنه بيحبك بجد لما مشيتى وقعد مع نفس وافتكر الايام الى كان عايش معاكى فيها رغم الى كان بيعمله فيكى إلا أنه حبك اتزرع جواه وماقدرش يتخلص منه قلتله بس انا مابحبهوش ولا عمرى هاحبه قلى انتى بتكدبى على نفسك انتى بتحبيه بدليل انك قبلتى انك تجوزيه كان ممكن 

تصممى على رفضك وتقفلى الباب ده بانك تطلبى نعزل من بيتنا ونروح مكان جديد محدش يعرفنا فيه لكن انتى رضيتى تجوزيه عشان انتى كمان حبتيه فقصرى بقى عشان هو اتصل بيه وهددنى انك لو ماعقلتى ورجعتى عن فكرة الطلاق منه هيرفع عليكى قضيه بجد ويطلبك فى بيت الطاعه ويعيد الى فات وانتى حره 

ضحكت انا ونسيت كل الى حصل فى ثوانى لان الحب خلانى انسى كل حاجه وحشه حصلتلى حبى لخالد خلانى انساله كل الى عمله فيه وهو كمان حبه ليه خلاه نسى الى عملته 

وقبلته فى حياتى بس المره دى حياة سميه الجديده الى عرفتها معاه واتعودت عليها بعيدا عن حياة سميه الى كنت عايشها فى بيت ابوها 

سميه الدلوعه المستهتره المغروره خلاص مابقاش ليها وجود دلوقتى فى سميه تانى خالص دلوعه برضو بس على خالد الى عاشت معاه وعوضها عن كل الى عمله فيها بحبه وحنانه عليها وخلفت كمان ولد منه وسمته خالد من كتر حبها ليه وفعلا الحب قدر يشيل الوحش الى كان جواهم وغير حياتهم هما الاتنين وشال الكره وزرع بدل منه حب قوى محدش يقدر يزيله من قلوبهم 

تمت