رواية دموع الحرمان
وفجئة لقيتها قطعت النفس والدكاترة دخلوا قعدت اقولها اصحي متسيبينيش متعلقه اصحي قوليلي في ايه …
لكن الدكتور بقي يردد البقاء لله …
جريت علي بسنت وانا كلي غيظ ازاي ضحكت عليا وخدت ابني وحرمتني منه…
خبطت عالباب جامد
_ افتحي يا بسنت افتحي
فتحتلي الباب …
_ سليم ابني انا صح هاتي ابني
= اهدي كده يا كوثر مش بقولك انتي متعرفيش حاجه
= انا بقي هحكيلك كل حاجه مبقاش فيه حاجه تتخبي …
الولاد بيكبروا ولازم يعرفوا…
يوم الولاده انتي فعلا جبتي ولد بس نزل ميت وحماتي طلبت مني اديكي بنتي عشان متكسرش بخاطرك وفالمقابل حمايا هيكتب كل حاجه لجوزي..
طمعت ياكوثر ووافقت ومكنتش اعرف انه فيوم ابني هيطلب يتجوز اخته
بس انتي لازم تعرفي ان سليم وحور ولادي واخوات ولازم يعيشوا مع بعض ويعرفوا انهم اخوات…
نزلت وسيبتلها العيال من غير ولا كلمه وكل احلامي اتدمرت في لحظه اعرف اني كنت عايشه في كذبه كبيرة وانا الي ابني ميت
وبسنت ازاي تتنازل عن بنتها عشان شوية فلوس…
روحت البيت وحكيت لجوزي علي الي حصل بس الغريبه انه مكنش متفاجيء وكان عارف كل حاجه ومشترك معاهم فالكذبه وكان رده…
_ خوفنا نكسر بخاطرك يجرالك حاجه
= وهي الحاجات دي فيها كدب وخوف انتو كلكم كذابين ذنبهم ايه الاطفال دي تشتتوهم كده ….
فضلت في حاله اكتئاب فترة طويله وفيوم لقيت الباب بيخبط وبسنت جايه هي وحور وسليم حسيت ان روحي ردت ليا تاني وهما بيحضنوني …
_ انا مش عارفه اشكرك ازاي علي تربيه حور انا لو عشت عمري كله مكنتش هعرف اربيها التربيه دي ادب واخلاق …
انتي فعلا امها الحقيقية ….
ارجعي البيت ياكوثر انا لوحدي فالبيت معيش حد يونسني انا اسفه لو زعلتك في حاجة انا اتغيرت والله ارجعي سليم وحور بيحبوكي اوي ودايمآ بيسألوا عليكي وحازم قالي انه عمره ما هياكل حق اخوه وهيكتبله نص البيت انا مستنياكي
بعد اسبوع اتفقت مع جوزي اننا نرجع وانا راضيه اعيش وسط حور وسليم حتي لو انا مش امهم لميت حاجتي وانا نازله خلاص عالسلم فجأه اغمي عليا
النهاية
