رواية قرار في ليلة الدخ0لة

.وسابتها ومشيت..!بين يوم وليله كل شي اتغير، من ساعات قليله بس كانت قاعدة في الكوشه جنب حبيبها وكل الناس بترقصلها وفرحانه ليها، دلوقتي كل أبواب الدنيا قفلت في وشها، وكل الناس بتبعد عنها.. حتي اقرب الناس.. أمها..؟!

مش عارفه تعمل ايه..؟؟

طب تروح فين ولا مين هيستحملها بالاخص بعد محكايتها بقت معروفه لكل أصحابها وأهلها وجيرانها...؟؟

فكرت تنت0حر بجد المرادي...!!

حاولت كذه مره بس علي اخر لحظه وعشان هيا فعلا مؤمنة وبنت كويسه كانت بتقول لا مش هخسر دنيتي واخرتي...

كلنا بنغلط بس هيا غلطها كان كبير !!

خرجت من المستشفي بعد ما ممرضة ادتها هدوم تلبسها بعد ما صعبت عليها...

طب تروح فين..؟؟

افتكرت واحده صاحبتها من ايام الكلية كانت ساكنه في طنطا بس ليها شقة في القاهره كانت بتعد فيها ايام الدراسة....

معهاش تليفون معهاش فلوس معهاش اي ورق معهاش اي حاجه بس عندها يقين ان معاها ربنا..!!

راحت علي الشقة وسألت البواب اذا كان معاه رقمها....؟؟

وفعلا طلع معاه الرقم واتصلها بيها..

سلمت عليها وقالتلها انها محتاجه تعد في الشقة يومين ولو تقدر تيجلها بأسرع وقت لانها في الشارع...؟؟

صاحبتها قالتلها انها جايه بعد يومين، بس مفتاح الشقة مع البواب وتقدر تاخده منه وتعد في الشقة لحد مهيا تيجي من طنطا...

البواب أداها المفتاح وبصلها بصه غريبه..؟؟

بصة سخرية واستهزاء، اداها المفتاح وسألها اذا كان في حد هيجلها ولا لأ..؟؟

قالتله حد مين لا مفيش حد هيجي وسابته وطلعت علي الشقة...

استريحت شويه اليوم ده وتاني يوم راحت شركتها القديمة تحاول ترجع الشغل تاني....؟؟

بس مرضيوش يرجعوها لان الخبر كان أتعرف من بعض زمايلها...

وبكل قسوة وطردوها من الشركة....

رجعت الشقة وهيا يائسة من الحياه كل حاجه بتتقفل في وشها وكأنها جرثومة..!!

تاني يوم صاحبتها جت من طنطا..

سلمت عليها وقعده مع بعض وحكيتلها كل حكايتها..

بس الغريب ان صحبتها ولا اتأثرت من حكايتها وقالتلها ولا يهمك عندي شغل ليكي...!!؟

بس تسمعي الكلام وتوافقي علي كل اللي هقولهولك...؟؟

فرحت جدا وقالتلها ماشي اي شغل بس اكل عيش ومكنش عاله عليكي....

قالتلها من النهارده انسي اسمك القديم واسم الشغل بتاعك هيبقا صافي...؟