-قومي ياختي النتيجه ظهرت وانتِ لسه نايمه
-هاا اي ياملك
=عدينا الشارع ياسطا المدرسه عدت
-اسطا..طب ابقي شوفي مين هيوصلك لما يفوتك الباص
” رجع ادهم بالعربيه ونزل ملك عند المدرسه ومشي راح الشركه، عمرو شاف ملك وهي نازله من العربيه، وابتسم ”
*اي يا لوكه السناره غمزت ولا اي
-بس يا فقر مفيش حاجه حصلت
*طب يلا علي الفصل ونتكلم ف الفسحه
“عدي اليوم عادي جدًا ما بين كلام شمس مع ملك، وهزار امير مع ملك،وغيرة ادهم علي ملك ”
-يعني انتي هتمشي بكره يا امير
=ايوة يا ملك لازم ارجع، هناك شغلي وعشان حبيبتي، متقلقيش هطمن عليكي علطول بالتليفون، بس خدي بالك انتي من ادهم، ده عريس لقته وبيحبك
-اعمل اي يعني يا امير اروح اقوله بحبك
“دخل ادهم وسمع اخر كلمه من الكلام واتمسمر مكانه ”
-امير بيبدأ بحرف الالف، يرقي هو الل بتحبه ملك، بطل غباء يا ادهم وهي كانت تعرفه منين، امال مين ولي قالت كده لامير ”
=ادهم انت جيت امتي
* لسه جاي حالًا
=طيب انا هطلع اجهز شنطتي بقي
“طلع امير يجهز شنطته وادهم وقف قدام ملك، وحط ايده ف جيبه وبصلها وسكت.
-اي يا ابيه بتبصلي كده لي
=بتحبي امير يا ملك ؟!
-هو حضرتك سمعت اي ؟!
=سمعتك بحبك
-سمعت حاجه تانيه ؟!
=لا
” اتوترت ملك جامد، اصل …اصل امير كان بيحكيلي عن حبيبته الل ف فرنسا وانه بيحبها ومستني انها تقوله بحبك
=بجد
-اه ااه بجد
=بص ادهم لملك بشك، طب يلا اطلعي نامي الوقت اتاخر
-لا يا ابيه انا هسهر شويه بكره اجازة.
=لا نامي وارتاحي
– عشان خاطري عشان خاطرري
=ماشي بس مطوليش
“فضلت ملك تسمع التلفزيون لحد منامت مكانها، ادهم كان نازل شافها نايمه راح وقف جمبها لاقاها مقرفصه زي الاطفال وشكلها عسول خالص وهي نايمه، قرب منها وهزها
-ملك.!! يا ملك
=امم اي ياماما سيبيني شويه
-ماما مين بيحط ايده ع وشها لقاها ساخنه جامد شالها وجري طلعها اوضتها، الكل كان نايم ومش عارف يعمل اي، راح جاب قماشه ومايه وقعد يعملها كمادات لحد م الحراره نزلت ونام ع الكرسي جمبها، صحيت ملك الصبح لقت نفسها ف السرير والقماشه ع وشها وادهم نايم ع الكرسي،قامت وقفت جمبه وبصتله وقالت يارب اي الحنيه والطيبه دي يبان انه شرير بس من جوه نايتي، بس اعمل اي والله بحبه، ياتري نايم من امتي كده، ادهم كان صاحي وسامع كل حاجه، فتح عينه فجأن وبصلها وهي مديره،
-هو مين ده ال نايتي
=ايي هو حضرتك صاحي، لا ده انا بقول داده هتعملي نايتي، حضرتك نايم كده لي،
-عشان انتي كنتي تعبانه، ونمتي تحت طلعتك وعملتلك كمادات
=ياحبيبي يا ابيه انت طيب اووي
-حبيبك بجد يا ملك، قال الكلمه وكان نفسه ف جواب بس بسرعه قال امال بقي الل بتحبيه يبقي اي، لا لا انا ماخدش مكان حد.
=م حضرتك مش هتاخد مكان حد كانت لسه هتقوله انه حبيبها بس سكتت وسمعت صوت امير وهو بينزل الشنط
-يا خبر امير هيمشي من غير م اسلم عليه،
=غار ادهم جامد بس اتحكم ف نفسه
-احم طب هروح اغير عشان اسلم عليه وامشي
=ماشي يا ابيه
“غيروا بسرعه والكل كان بيسلم ع امير وهو ماشي، امير راح لملك وسلم عليها وفضل ماسك ايدها شويه وطرف عينه علي ادهم وبيغيظ فيه،
*انا جبتلك حاجه خلي واحده معاكي وواحده معايا..طلع امير من جيبه اسورتين جلد، لبس واحده لملك ولبس واحده،اول م امير مسك ايد ملك ادهم اتغاظ اووي ومد ايده سلم علي امير وي غط علي صوابعه وبرقله، ابقي زورنا تاني ي أمير وخد بالك من نفسك،امير كان بيضحك وبيتألم، بيضحك لانه عارف ان ادهم بيحب ملك، وبيتألم لان ادهم ضغط جامد علي صوابعه،مشي امير ”
“عدي يومين ومفيش جديد، صحيت ملك علي صوت دوشه وهيصه ” -يلا يا ملوكتي قومي يلاا
*اي يا شمس سيبيني انام، وبتشط الغطا
-قومي يابت وشدت الغطا من عليها، ياتري النهارده ايي،
-النهارده الخميس عادي
*قومي احنا عاملين هيصه تحت قوميييي
-قامت ملك وبتطنطط علي السرير وهووب وقعت علي الارض
*فضلت شمس تضحك عليها، قومي يلا البسي وانزلي
