قصة سر المشرحة بقلم حماده هيكل قصة إثارة في يوم مراتي زعلت

وتقدر حضرتك تجيب عربية تكريم الى عشان تنقلها

لمقابر العيلة

خرجت وانا منهار

ومش شايف قدامي بعد ما خرجوني

من عندها بصعوبة ورجعوها تاني جوه التلاجة وقفلوا الباب

بعد ساعة ونص كانوا خرجوا من المشرحه كلهم وقفلوا الباب

وركبوا عربية

وانا كنت مستني بره

بعربيتي مشيت وراهم من غير ما يحسوا

لغاية ما نزلوا كلهم واحد ورا التاني ، وانا كملت

ورا الموظف

اللي مضاني على ورقة استلام 

لاني لقيت فيها تنازل عن كل ممتلكاتي وتظاهرت

أن القلم وقع واني برتعش وانا بمضي عشان أتأكد من اللي انا بمضي عليه

مشيت وراه

لغاية ما وصل بيته

في حارة شعبية ، دخل بيت وطلع السلم ودخل في الدور التالت..

بعد دقايق كنت بخبط على بابه

اول ما فتح

لكمته في وشه وقع على ضهرة وفقد

اول ما فتح عيونه لقى نفسه شايفني قدامه

بالمقلوب كان مش مستوعب الموقف لأني كنت علقته بحبل

من رجليه ورأسه لتحت

أنت!!

مراتي فين يلا ؟

مرات ..

مرات حضرتك جثتها في المـ. شرحه

وبعدين انت عاوز ايه

اللي هناك دي مش مراتي دي تانية

واللي هناك دول كلهم تبعك ودي ورقة التنازل ..

قال بصوت مرتجف