عشق الرعد

وانا مش هسافر من غيرك. مش هبقي مطمن عليكي بعيد عني
همس يا حبيبي انا كويسة وهسافر معاك. وكمان نستني لما نروح للدكتورة. ونشوف هتقول ايه. انا كمان يا روحي مش هقدر اقعد من غيرك
رعد واتنهد. تعرفي يا همس. انا لو كان حد قالي من كام شهر بس. اني هعرف ان امي عايشة وكمان اعرف مكانها. وقاعد لسة ومسافرتش ليها بسرعة. عمري ما كنت هصدق. لكن انا بجد مش هقدر ابعد عنك ولو الدكتورة لقت حالتك ماتسمحش بالسفر تاني بالسرعة دي. انا هستني لحد لما تولدي
همس وبصت في عنيه وشه بإيديها وابتسمت. حبيبي للدرجة دي . دي امك اللي كنت هتتجنن عليها. تتأخر عليها علشاني

رعد ابتسم . انا علشانك اتأخر علي الدنيا بحالها. انتي روحي يا همس.
همس وانت كمان روحي اللي بعيش بيها. بس انا متأكدة اني هسافر معاك متقلقش.
رعد مرر ايده في شعرها. تعالي ننام والصبح نروح لليليان. ونعرف هنعمل ايه.
همس ابتسمت. تعالي يا روحي. 
رعد . هو فعلا مش هيقدر يسافر ويبعد عنها. خصوصا بعد ما داق مرارة بعدها وفراقها.
في مستشفي الدكتورة ليليان
رعد ابتسم. حقا تستطيع همس السفر معي لالمانيا
ليليان نعم. هي برغم حالتها الصحية الغير مستقرة. الا ان حالتها النفسية في احسن حال. وهذا هو الاهم وستكون بخير. وللامان انا سوف اعطيك اسم طبيب في مشفي في المانيا. هو صديقي وعربي الچنسية هو سوري. ومقيم هناك. اسمه دكتور
نائل. هو ماهر للغاية. ويستطيع ان يتابع حالة السيدة همس. هناك ان حدث اي مكروه.
رعد اشكرك جدا دكتور ليليان. استأذن منك.
ليليان مبتسمة. تفضل والي اللقاء بعد عودتكم بخير.
وحجز رعد وسافر هو وهمس المانيا. ووصل عند عنوان مشيرة.
وهمس سابقته وضړبت الجرس. وفتحت مشيرة. وابتسمت لهمس لما شافت حجابها وملامحها عرفت انها عربية.
همس السلام عليكم. حضرتك ماما مشيرة
مشيرة وعليكم السلام ايوة انا اهلا بيكي انتي مين
همس ابتسمت بسعادة. انا مرات ابنك وام حفيدك ان شاء الله
مشيرة اڼصدمت. ااااببني
رعد ظهر من ورا همس. وعنيه اتعلقت بمشيرة. أمي
مشيرة بفرحة ولهفة وۏجع والم. رررعد 
الحلقة ٤٣
رعد ومشيرة. عدت عليهم دقائق. وهما لسة تحت تأثير الصدمة. مش مستوعبين انهم واقفين قصاد بعض
احساس رعد مكنش ممكن يتوصف. وهو شايف قصاده امه اللي اتحرم منها سنين. امه اللي افتكرها ماټت. امه اللي اتمني في اصعب اوقاته امه اللي عاش حياته كلها وهو بيحاول ينتقم ليها من اللي ظلمها واهنها. اخيرا واقفه قصاده وعنيه شايفاها. وايده . فعلا احساس صعب يتوصف.
اما مشيرة فا ولا الف كلمة ۏجع والم. وتعب ومرارة. ممكن توصف احساسها وهي شايفة ابنها اول فرحتها. ابنها اللي اتحملت علشانه زل سنين علشان بس. تقعد معاه. ابنها اللي اتحرمت منه سنين. اتحرمت تشوفه وهو عريس زي كل الامهات. ابنها اللي اتمنت يكون سندها وظهرها. بس الظلم والجبروت كانوا اقوي منها. كانت دموعها بتنزل من غير حساب. وهي بتمرر ايديها علي ملامحه عايزة تتأكد انها مش بتحلم ولا بيتهيألها.. رررعد يا نور عيني وحشتني يا حبيبي وحشتني
رعد دموعه نزلت مقدرش يسيطر عليها. . وحشتيني يا امي وحشتيني. بحب ولهفة. وهو بيحاول يشبع من اللي اتحرم منه سنين. واتمناه في لحظات الالم والوحدة وماكنش لاقيه.
مشيرة بدموع وشهقات عياط بحړقة. انا اسفة والله اسفة بس كان ڠصب عني. سيبتك علي عيني يا نور عيني
رعد بإيده ومسح دموعها. متتأسفيش يا امي. انا وانتي ماكنش في ايدينا حاجة وقتها. بس توفيق. مأذكيش لوحدك. اذاني واذي مراتي وكان السبب في مۏت ابني.
مشيرة بصت لهمس.
ابنك ماټ. انت خلفت غير اللي بطنها
رعد پألم. لا همس كانت حامل في توأم وبسبب توفيق ماټ جنين من الاتنين
مشيرة. معلش يا حبيبتي ربنا يعوضك باللي جاي. . وابتسمت. انا اسفة اني مسلمتش عليكي بس رعد كان واحشني اوي اوي
همس ابتسمت. ولا يهمك يا ماما انا مبسوطة انكم اتقابلته. انتي متعرفيش رعد بيحبك ازي طول الوقت بيتكلم عنك. وعمره ما نسيكي ابدا.
مشيرة ابتسمت وبصت لرعد. الحمد لله اللقي ده نصيب. تعالوا يالا ادخلوا.
ودخل رعد وهمس واتفاجأوا. بصور رعد اللي مالية المكان. حتي في البراويز الصغيرة.
رعد ابتسم. انتي جبتي الصور دي منين
مشيرة ابتسمت. من