الوجه الاخر للحلال لميفو سلطان

دا مرار ..
لتهتف.. ماتسيب المرار مالك بيه.
ليهتف پغضب .. جومي والله هجوم اعجنك.
لتتنهد وتقوم وتمضي علي عقد الزواج لينتهي من كل شئ ليخرج المآذون والشهود ويقترب منها مبتسما كانت تقف كالاطفال منزويه . ليشدها اليه لتطرق راسها ليهتف.. لاه هتفضلي زعلانه اكده ماهتحملش والله دا الليله ليلتنا يا بت الناس.
لتحمر خجلا وتهتف... بعد بتجول ايه مش خلاص نفذت اللي رايده بعد هملني
ليضحك ويهتف.. اهملك كيف دي مش بجيتي مرتي بتاعتي بس اجول ايه عجلك ده ماليان واغش. ليرفع وجهها عطر انت كتي راضيه مبسوطه وايوب رايدك مبسوط بطلي دماغك دي

لتهمس.. ماجدراش والله ما جادره حاسه بنفسي بيروح مني. 
ليضمها بحنان... طب اهدي اكده وكل حاجه هتبقي زينه.. اني هسيبك دلوك ومعاكي الغفرا بره وهاجي اخدك بكره اكون جهزت الدنيا وجولت للناس الي عندي لتخفض راسها ليقترب ويهتف بس علي الاجل اخد حاجه اكده تصبرني. 
لتقطب جبينها ليقترب ويزيح طرحتها لتنزل شعرها شلالات بنيه رائعه ليهتف.. جلبي جمر وبقي بتاعي. لتشيح بوجهها ليمسك وجهها وينظر اليها اني ايوب ايه نسيتيه مش ده اللي جلبك دج ليه اصحك تجولي ما دجش لاه اني جواتك بس انت عجلك رامح بعيد ليقترب من وجهها.
لتهمس... بعد عيب اكده
ليتنهد ليهتف... بقي اكده هتفضلي كاتمه حالك عني يا بت الناس.. بس عموما انى هتصرف علي انك مرتي بتاعتي وك ده بتاعي رايده تدهوني باللي جواتك هفرح وتفرحي رايده تدهوني من غير برضك هفرح لحد ماتعجلي اكده وتعرفي انك بتاعه ايوب
لتجلس مقهوره فهيا تحبه فعلا ولكن فكره الحړام مسيطره عليها بشده.
لتنتحب... طب اعمل ايه خلاص اكده هقضي حياتي عايشه اكل حرام.. واجيب عيال يعيشو اكده يا مري جتتي بتنغزني ما جدراش ما جدراش اعيش
معاه اكده رايد جتتي طب وروحي اوديها فين. طب ايه هتحاسب صوح اني رضيت بالحرام ربنا هيعاجبني صوح جلبي هيموتني لينتابها الصداع لتصرخ وتمسك راسها ليمر الوقت وتدوخ وترتخي ولا تحس بشئ.
عند ايوب ذهب الي والده ووالدته واخبره ما فعله ليهتف .. حد يعمل اكده يا ولدي تتجوزها ڠصب مافيش الا هيا يعني. 
ليهتف ايوب. رلايدها يا ابوي وكت وافجت وجه المحروج ابوها غفلج الدنيا. 
ليتنهد طاهر ويهتف.. طب ماتبطل يا ولدي عندنا فلوس متلته ومرتك اللي انت رايدها ما ريداش تجارتك دي ولا اني رايد يا ولدي اسمع كلامها وعيش معاها واتهني. 
ليهتف ايوب.. تاني تاني ماكفايه عاد ايه المرار ده. 
لتهتف امه نبويه.... طب يا ولدي بالراحه عليها عطر طيبه وجمر وحنينه
ليبتسم فامه لا تفكر الا هكذا ليهتف.. اطمني يا اماي.. 
لتهتف.... يادي الهنا يادي الهنا ايوه اكده وبسرعه نجبلنا عيال نملو الدار دي الله يسعدك يا ولدي.
دخلت زوجه يحي علي زينه.. لتقول.. اسكتي دريتش اللي حوصل.
لتهتف زينه.. ايه اللي حوصل.
لتهتف.. مش ايوب اتجوز وهيجيب مرته بكره.
لتنشل زينه وتهتف.... بتجولي ايه يا محروجه انت. 
لتهتف.. بجولك ان ايوب اتجوز وهيجبها اهنه بكره
لتصرخ زينه.. مين ده اللي اتجوزها يا مري ايوب بتاعي اني.... اتجوز ايوب لاه لاه داني اجتلها مين دي يا مسخمطه. 
لتهتف.. البت
الجمر اللي كت بتدرس لمحمد ابني 
لتبهت زينه.. فعطر كانت رائعه الجمال وزينه بسيطه لتحس بغل رهيب.. بقي اكده البيه جاب البت اللي مالهاش اصل ولا فصل دي واتجوزها وهيعملها ست الدار لاه والله ما يوحصل
لتهتف زوجه يحي.. ما تبطلي عاد هو اه ايوب ما هواش سهل ايوب واعر كيف الحنش اتلمي. 
لتهتف زينه.... ان كان هوا حنش اني تعبان وهتشوفي زينه هتعمل ايه.
ذهب يحيا الي مكان شغل زوجه صاحبه ليقابل العروسه وياخذها ليجرو الاختبارات ليمر الامر بسلام وياخذ ميعادا ليقابل والدها حتي يتم الاجراءات ويمضي في طريقه لخلع قلب تلك التي عشقته فقط بغرض العنفوان الصعيدي في الحصول علي العزوه ولم يرضي بما قسمه الله بعيشه هانئه وزوجه محبه فهو يظن انه طالما يراعي زوجته لن تبتعد عنه وانها ليس لها احدا غيره. فساره كانت من اقربائه وحيده ابيها ليس لها احد وبعد مۏت ابيها انقطعت من الدنيا فاصبح لها هو كل شئ فاين ستذهب ولمن تذهب وكحال بعض الرجال.. يستهين بمشاعر من اعطته روحها ولا يفكر. الا بنفسه وانها شئ مسلم به فلتعش وترضي فليس لها مكان اخر. فلتعش الانثي مكلومه طالما ليس لها من يعولها
ولا يتقي ربه.. نعم حقه ان يتزوج وياتي باولاده ولكن الانثي تحترق علي زوجها فهيا اعطته عطاء فاض عنه وزاد حتي اصبح يتنفسها كما انه ذاق الخلف فلماذا لا ينتطر رحمه الله لماذا لا يرضي بقضاء الله وخاصتا ان هناك امل ان تنجب ساره طفلا ولكن بالصبر ولكن ابن ادم ليس صبورا ابن ادم طماع لا يملي عينه الا التراب فلننتظر حتي يدخل التراب الي عين يحي يشبعه ويعرف ان الله حق وان تلك الجميله لها حق كبير.
كانت عطر جالسه تنعي حظها.. يعني خلاص هتكملي حياتك اكده.. امك حللفتك ماتاكلي هحرام هتعملي ايه يا حزينه هتجدري عليه دا جادر وطايح وعايزك اعمل ايه دلوك يا رب انجدني دماغي ھتنفجر مش متحمله حاسه بروحي بتتسحب..
لتتنهد طب يا عطر انت مغصوبه وربك شايف وعارف واهه تشتغلي وتاكلي من شغلك ماتكليش حرام اهه حاولي ترتاحي انت دماغك الصداع هيخلص عليها ماعاتش بيروح وروحك بتتسحب بعديها ما بتدريش بالدنيا.. هوني علي حالك..
لتسمع خبطا عالباب لتذهب وتفتح لتجد ابيها يقف غاضبا.. ليدفعها ويدخل.. بقي اكده تتجوزي من ورايا يا مسخوطه ليمسكها من ملابسها بقي تضيعي عليا مكسب زي اكده.
لتصرخ..... حرام عليك انت ايه مكسب ايه دا متجوزني ڠصب عشان ماليش حد يجفله. 
ليهتف.. واجفله ليه يا محروحه ايوب السوالمي مايتسابش بس انت اللي فجر زي امك. 
لتصرخ.... مالك بيا فجر والا طين ما تسيبني في حالي مش كفايه جهرتي اني ماليش حد.
ليقترب منها ويصفعها علي وجهها لتقع علي الارض لتجعش بالبكاء.
ليقول..... لاه اني مااطلعش من المولد بلا حمص لاه انت اكده متجوزه من غير ولي يبقي الجوازه باطله واني ماهسكتش ويا يدفع ليا يا اغفلجها عالكل. 
لتنتحب وتهتف.. هتبيع بتك يا ابوي. 
ليهتف.... ايوه ابيعك واكسب امال ياخدك ببلاش وهو عندك فلوس متلتله. 
لتهتف.... واني ماجبلش باكده واني مابتشراش وبعد عني بقه وسيبني في حالي عايزه يذلني اني اتاخدت بالفلوس عايز تمرط نفسي مافتحش عيني. 
ليهتف.. مايهمنيش ايكش تولعي وكلميه ياجي دلوك نتفجو. 
لتهتف.. لاه ماهتكلمش اني ما بتباعش بالفلوس اني ماهنذلش ليه اني هجف في وشه زيي زيه وانت مالكش صالح بيا.
ليهجم عليها ويهتف..... اني هوريكي كيف ماليش صالح بيكي لينهال عليها ضړبا وهيا تصرخ وهو يهتف بغل.. عيشتي عمرك تسمعي كلام امك عيشتي عمرك امك تغرز فيكي وتعصيكي اهه هتعيشي في الحړام وهتاكلي حرام علي جولك اللي ما رضيتش بيه امك وعصتك اهه هتعيشي فيه.
كان يها وهيا تصرخ ليبتعد ويهتف كلميه بدل ماجتلك دلوك.
لتنتحب وترفع تليفونها تتصل بايوب ليرد عليها لتهتف بنحيب.. ايوب
ليهب وقلبه انخلع.. مالك بيكي ايه پتبكي ليه يا جلبي.
لتهتف.. تعال بسرعه والنبي
ليهتف جاي جاي ليهب وينزل كان الوقت متاخرا ليذهب مسرعا الي بيتها.
ليبهت عندما وجد عندها رجلا ليهتف انت مين يا جدع انت وبتعمل ايه في بيت مرتي.
ليضحك عادل.... اني ابوها ومرتك مين حد بيتجوز حد من غير اهلها. 
ليقترب من عطر مسرعا ليجد حالتها بلا حول ولا قوه ليضمها اليه.
لېصرخ..... انت مديت يدك عليها والله لاجتلك. 
ليهتف عادل.. هتجتل ابو مرتك وتتفضح في البلد
لېصرخ..... امال بتها ليه وعايز ايه انت. 
ليهتف.. عايز مهرها حد ياخد حد اكده بلوشي
لټنهار عطر مقهوره. 
ليهتف ايوب.... وانت بقه اللي هتاخد المهر مهملها بجالك سنين وجاي دلوك تها وتجول اكده
ليهتف عادل والله اني وبتي نصطفل.. وانت جوازتك باطله من غير ولي وبتي صغيره وانت اكيد ضحكت عليها يبقي نلمو الدنيا وتدفع عشان الڤضيحه ما تكبرش. 
ليهتف ايوب.... انت اتخبلت بتهدد ايوب السوالمي واعي لحالك ده اني اتاويك ورا الشمس. 
ليهتف عادل... وماله تاويني بس جبلها البلد كلياتها هتعرف انك اتجوزتها ڠصب وكت بتجيلها لحالها ودور بقه عالفضيحه. 
ليهتف ايوب مذهولا.. هتفضح بتك.
ليهتف عادل.... وافضح اي حد بس اخد حجي تدفع مهرها امضيلك عالعجد والكل يعرف اني موافج ايه جوله.
ليتنهد ايوب.. بص اني دراعي ما بتتلويش بس ان جت علي شويه فلوس ماهيهمنيش ارميهملك واخدها.
لتنتحب عطر پقهر فابيها قد رخصها و مسح وجهها تحت اقدام ايوب. 
لتهتف هيا پقهر.. ماتسمعش كلامه اني مش عايزه حاجه ماتديلوش حاجه اني مابتباعش يابن الناس. 
ليهتف عادل...... اخرسي يا محروجه اني ما هسيبش حجي يبقي تنخرسي.
ليتنهد ايوب ويخرج دفترالشيكات ويهتف عايز كام
لتلمع عين عادل عايز نص مليون وامضي
لتلطم عطر..... . يا مري يا مري انت ايه منك لله لاه ماتديلوش حاجه حرام عليك بتديله ليه ليه منك لله ارجعله فلوسه
كيف. 
ليهتف عادل.... اخرسي جولت وھجم عليها ليقف له ايوب ويدفعه.. تجرب من مرتي هتاويك علي وش الدنيا مرتي تحت طوعي وهديك الفلوس بس عشان ۏجع الدماغ وبس تجرب تاني مننا هحطك تحت رجلي واني جرصتي و الجبر
ليهتف.. وانا ما رايدش الا الفلوس.
ليكتب له ايوب الشيك وياخذه ويخرج له عقد الزواج ويمضي عليه.
ليخرج والدها منتفخا دون حتي ان ينظراليها لټنهار عطر ليتنهد ابوب ويقترب منها يحتضنها لتستكين پقهر.
لتهتف خلاص دفعت واشتريت خلاص ارتاحت اكده.
ليتنهد.. بتجولي ايه بس ده حجك ومهرك. لتنظر اليه.. مهري..الله يسامحكو واحد اشتتري والتاني باع وجاي تجولي مهري.. مش لما ابقي راضيه الاول ابقي اخد مهر اني خلاص اتاخدت ڠصب واندفع فيا كمان.. بس اني مش راضيه وبجولهالك في وشك اني مش راضيه بعيشتك وانت بقه شيل شيلتك
لينفعل.. برضك ماهتهمديش برضك عايزه تعصبيني يعني اني بحارب لاجل اخدك وانت تجولي اكده ايه اللي يجبرني غير اني رايدك
لتهتف.. بالڠصب
لېصرخ.. ايوه بالڠصب واخبطي دماغك في الحيط اني تعبت ليشدها ويدخل بها حجرتها لتهتف پخوف... ايه بتشدني ليه عايز ايه. 
ليهتف.. هنتهبب ننام ايه ماهنامش في ليلتك
لتهتف...... ننام...
ننام فين ماتروح تنام في داركو. 
ليهتف.. ما دي داري دار مرتي تبقي داري ويلا عشان اني كفايه حرج لحد اكده.
لتهتف.... واني ما هنامش جارك ايه جله الادب و البجاحه دي.
لتهتف پخوف... ايه ايه بتجرب ليه عايز ايه انت ليقترب ويلتصق بها لتصرخ بعدايه ده عيب اكده والنبي
ليبتسم فوجهها صار احمركال. ليقول.. فين العيب راجل و مرته في ه هاتيلي حاجه عيب دلوك
لتهمس بخجل.. لا عيب احنا مش اكده
ليضحك ويحملها لتصرخ ويذهب بها الي ال ويريحها ويرتكن .
لتدمع عينها.. جصدك تجول اشترتني مش اكده وعايز حج الفلوس
ليضحك.... انت جمر جوي ورجيجه تاخدي العجل ليتنهد ويتلمس وجهها مش اني ايوب اللي اللي جولتي انه امانك مش اني ايوب اللي كان واجف جارك ولا هملكيش.
لتنزل دمعه من عيونها وتشيح بوجهها ليهز راسه ويدر وجهها بصيلي بالله عليكي اني اهه ايوب اللي رايدك ولا رايد الا انتي
لتهتف پقهر.. بعد بقه مش جادره.
مش جادره.. ايه جربي وحش ليكي لاه اني حاسس بالطحن االي جواتك انت بس اللي مجفله راسك فكيها يا جلبي وهنعيش احلي عيشه
ليغمض عينه يسيطر علي غضبه.. انت ليه غاويه تحرجي جتتي اعمل ايه في عجلك طب اجولك ايه اجولك مفيش الا اكده وتخبطي راسك بالحيط وحرام حرام والا اجولك اتراضي واني رايدك اهه وماتفكريش في حاحه تانيه الا راجلك اني راجلك يا بت الناس ورايدك بالجوي روحك رايدها رايدها طاوعي راجلك. 
لتهمس.... روحي پتتعذب هتاخدها ازاي انت مش رايد روحي دي انت رايد جتتي وبس. 
ليهمس.. مش عيب اني رايد جتتك بس رايد روحك الرجيجه انت تاخدي الجلب بجمالك وجلبك الابيض حتي لو كت وحش انت النور اللي في حياتي اعجلي بالله عليكي وسيبيلي نفسك ماجدرش ابعد ماتخلنيش اغصبك علي حاجه عايزها محبه واني خابر انك مش كارهه ايوب. كارهه ايوب يا جلب ايوب.
لتشيح بعيونها وترتجف ليبتسم.. اهه ماكرههوش يبقي تحاول. لتهز راسها ليهتف.. لاه هتحاولي تجبري روحك دي وتمشي العيشه واللي رايداه هجبهولك ولكن هناك شيئا يمنعها ان تنساب معه كانت تضغط علي روحها لتتجاوب معه ولكنها لم تستطع احست ان انفاسها طبقت علبها وعاد اليها الصداع وصړخت مره واحده وتشنجت ليبهت ويبتعد ليجدها تنظر اليه نظره غريبه لم يراها من قبل ثم تغمض عينها وتتوه عن الدنيا.. ليتنهد ويشدها الي احضانه ليجدها مستكينه لياخذها في احضانه ويظل يفكر فيما تطلب منه لينام اخيرا من تعب التفكير لا يعرف ما القادم اهو خير عطر ام سواد ماحل طلبه ايوب وسيناله.
وكومنتات يا حباااايب.
الوجهالأخرللحلال
حكايات
البارت السادس عشر..
قامت عطر لتجد نفسها في احضان ايوب لتتنهد فقربه لا يوجعها بل بالعكس تحب ذلك القرب لتظل تنظر اليه وتنعم بقربه وهيا حالمه في وجهه وعشقها يكوي قلبها ولكن حب الحلال منغرز لتقوم وتبتعد وتخرج تحضر اشياؤها.
لتتنهد... راحه فين يا عطر ماشبعتيش هم وحزن راحه تعيشي معاه ويعيشك حياتك حرام لاه وتجيبله عيال كمان يعيشو حرام. ماهو دافع فيكي كتير هتنطجي تجولي ايه. جلك عايز جتتك خلي روحك لحالك مش رايدها لحد ما تتعدل.. يا رب اني ما متحمله اعمل ايه جتتي بتوجعني وراسي ھټموټني يا رب ريح جلبي ارحمني من اللي انا فيه كت راضيه بالحلال طلع حرام نغز جتتي اه ماهنكرش بحبه بحنيته ومراعيته بس ماعرفش اعيش معاه حرمانيه يا رب تعبانه يا رب اهديه بدعيلك يا جلب عطر يهديك ماجدراش ڠصب عني بحبك وبعشجك بس ماجدراش والله ما جادره اني موجوعه.
صلوا على الحبيب المصطفى 
لتحس به لتتنهد ليهمس في اذنها من الخلف.. انت اللي تعبه حالك انت اللي واجعه جلبك اهدي واعرفي اني راجلك
وما فيهاش حاجه ويا ستي حسابي اني مش حسابك صوح ارتاحي بقه عشان تعبتيني اني كمان
ليديرها ويرفع وجهها بحب ليهتف هتفضلي منشفهالي اكده الجمر مش هيلين برضك بس عموما اني وراه الجمر بتاعي لما هو اللي يجول عايز ايوب بحنان حاسس بيكي كاتمه حالك جتتك بتترعش لحد مېته كتمتك دي طب لما ادوس فيكي واطيح هتكتمي ازاي هتتعبي اكده بس