رواية انثى من ناار

: حلا لو واحدة زيك حبت نطع مش حاسس بيها دة يبقى غبي وميستاهلش منها لحظة تفكير وبعدين طبيعي اول حب يكون غلط لانه مش بيكون مبني على نضج بيكون مشاعر مراهقة وبيتنسي وبيعدي مش انتي الي حد يسيبك ويروح لغيرك انتي الي تحطي رجل على رجل والشباب تترمى تحت رجلك او اقت..... لهم انا

ضحكت حلا: طب ياللابينا ياسف... ا... ح

وصلو للبيت وهما طالعين وقبل ماتدخل شقتها قالتله: شكرا على اليوم الحلو دة انا كنت مخنوقة وكان زماني باعيط بس بسببك ضحكت وحاسة اني ليا سند

ابتسم وهو يشعر بسعادة غامرة وقال: يعني بقيناصحاب خلاص

طبعًا

: انا اسعد انسان بجد

متبالغش ياللا سلام

: حاضر سلام

دخلت شقتها والجد. كان بانتظارها هو وحبيبة ومنار

حكتلهم الي حصل معاها ودخلت اوضتها عشان ترتاح وتفكر بالي حصل طول اليوم ومقدرتش تحبس دموعها لما افتكرت خالد ولكن كلام عدي خلاها ضحكت

اما عدي دخل بيتهم وهو يشعر بأنه اسعد انسان على وجه الأرض

المنزل كان هاديء دخل غرفته كانت عبير تبكي

ارتمى على فراشه وهو يفكر في حلا وبكل احداث اليوم

عبير قالت: شايفني باعيط وسايبني وسرحان

: انا طالع ابات فوق انا مش عاوز نكد

وتركها وطلع الشقة ولسه هايستلقي على الكنبة الوحيدة الموجودة بالشقة

لقى خبط بعنف على الباب فقام بانزعاج فتح

واتفاجيء ب..........

قام فتح لقى امه ومعاها عبيرونورا

وبتقوله: لما انت اتجوزت تسمح تقولي ازاي راجع مع بنت عمك وكنت بتوصلها فين

عدي بصد@مة: إيه دة في إيه

نورا: بس ياماما لو سمحتي وطي صوتك وفيها إيه لما يوصلها

عبير: لأ فيها وطنط معاها حق

منال بصوت عالي وهي بتبص على شقة حلا: لا مش هاعديهالك يابنت منير ولاهانولهالك

عدي بعصبية: عيب كدة ياامي لو سمحتي متعصبنيش انزلي شقتك وانتيىياز... فتة ليا معاكي كلام تاني

منال: مش نازلة وريني هتعمل إيه اما اشوف اخرة الي مشغلاك عندها خدام دي ايه

طلع الجد بانزعاج وقال بانفعال: اخرسي يامنال انا الي طلبت منه يوصلها وكلمة كمان هتخرجي برة بيتي

منصور كان لسة واصل هو ومراته طلع جري على الزعيق

ولقى ابوه منفعل وعدي بيهديه: اهدا ياجدو محصلش حاجه

سأل منصور: في إيه ياجماعة

منال: يرضيك ابنك يوصل حلا بعربيته و..

قبل ماتكمل كان منصور لطشها قلم رن في البيت كله

هدى وفادية طلعو يجرو وشافو منال وعي بتنضرب

منصور زعقلها: انتي لو ليكي راجل رباكي متحبيش سيرة بنت اخويا ولاتعصبي بابا كدة ولاتضغطي على ابنك الراجل الي بيخاف على الي منه معمدناش بنات سايبة زي عيلتك ولا تحبي اتكلم واقول

منال عيطت وشها احمر ونورا حضناها وبتحاول تمشيها وفعلا بدأت تنزل معاها وهي على السلم قالت: ماشي ياحمش ابقى خلي ابنك يتجوز اتنين زيك بس على جثتي يتجوز بنت منير المغرورة دي الي مش لاقية تاكل لولا ابوك

طلعت حلا الي كانت بتغلي من الغيظ وبلمح البصر نزلت وقفت قدامها وقالتلها بحدة: سيرة ابويا ماتجيبهاش على لسانك ياحية انتي اقل من اني ارد عليكي اهانتك بس الي زيك لازم تعرف مقامها انا لو جدي بيأكلني شيء يشرفني بس عمري ماخبطت عليكي طلبت منك بصلة وشيء ميخصكيش احنا عايشين ازاي هاتموتي عشان تعرفي بنصرف منين خليكي مقهورة

وبصتلها من فوق لتحت اتدخل عدي وقال: حلا ارجوكي انتي اكبر من كدة

الحد: سيبها يابني امك عاززة تشعلل نار واحنا مش هنسمح كل شيء له اخر اسمع يامنصور

منصور: امرك ياحاج

الجد: منال ملهاش قعاد. في بيتنا بعد كدة

منصور: من غير ماتقول ياحاج

منال ببكاء: خلاص ياعيلة عبد التواب بتطردوني طول عمركم بتكرهوني اصلا

وبصت لحلا وقالت: شوفي عملتي لابني إيه ولا خلتيه خاتم بصباعك ازاي

حلا ضربتها قلم وصرخت فيها: الا انا لحد سمعتي لأ فوقي انتي واحدة وس... خة عشان كدة شايفة الكل زيك وكلمة كمان بالجز... مة على وشك انزلي من هنا بدل ماامسح بيكي بلاط البيت اوعي تنسي اصلك يابنت كريمة الدجالة

طلعت حبيبة ومنار وقفو جنب حلا ومنعوها من ضرب منال تاني ومش قادرين

بس منصور جري وسحب منال على تحت وزقهاوبرة البيت ونورا بتعيط وبتترجاه يسيبها تلبس عباية وهو رافض

كل دة حصل بثواني وعدي بين نارين صدمته في امه وبتصرفاتها وحلا الي طلع لها مخالب ولازم. تدافع عن نفسها فضل واقف ساكت وعبير جنبه بتتفرج

الجد شد حلا ودخل بيها وقفل الباب وعدي شد عبير ونزل بيها شقتهم تحت ودخلها اوضته

دقايق وسمعو حبيبة ومنار بيندهو على اعمامهم يلحقو الجد بسرعة

الكل طلع يجري على فوق لقو الجد فاقد الوعي وحلا بتحاول تسعفه

عدي طلب الاسعاف ومجدي جري يساعد. حلا

لحد. ماالجد. فاق ولكن لسة تعبان الاسعاف وصلت وحلا قالتلهم على الي عملته واسعفته ازاي ومحمد ومنير ساعدو المسعفين بنقل الجد وكل الناس بالشارع جريوا عليه وفضلو يدعوله بالشفاء

طبعا ممنوع لما يحصل حاجة البنات يطلعو برة البيت عشان كدة اتلمو جوة البيت وهما بيبكو

وتورا منهارة وعمالة تقول ربنا يسامحك ياامي

وهدى مرات ابوها بتهديها

وفادية بتعيط بحرقة وبتدعيله

دخل عدي وقال: بايا وعمي راحو مع الاسعاف انا هاروحله اقفلو على نفسكم

حلا: انا جاية معاك

مجدي: واناوكمان

ومن غير ماتستنى الرد قالت لفادية وهدى: خلو بالكم من البنات

وركبت عربية عدي ومعاها مجدي

وصلو المستشفى وحلا اتكلمت مع الدكتور عن حالة الجد

واعمامها وعظي ومجدي عاوزين يتطمنو الدكتور قالهم:

جلطة ولكن اتلحقت وباذن الله هايتعافى منها لانها ملحقتش تنتشربفضل الله وبفضل بنتكم

وشوية كدة وهاتشوفوه

منصور: ربنا يكرمك ياحلا انا السبب اما الي رجعت منال البيت تحرق دمكم