مستحيل أخليها تقعد جوا بيتي
!
بص فِـعيونها وقال: جوزك بس!
بصتلو وقالت: وحبيبي
بعد عنها وإبتسم بخبث وقال: مدام مراتي حبيبتي زعلانة مني ميهونش عليا أنيمها زعلانة مني
زينة بإبتسامة واسعة: هتجيبلي شوكلاته ؟
ميل عليها وقال: أحلي من الشوكلاته
با"سها و.....
" في عربية رامي "
رامي بنفاذ صبر: إيه هدفك في إنك تجيبيني هنا
تقي بإبتسامة: كنت قايلة لو ربنا جمعنا ببعض وبقينا من نصيب بعض أجيبك ونيجي هنا نتفرج علي النجوم والسماء الصافيه وجمالها
رامي بهدوء: حبيبي كنا نروح نتفرج عليها من أي مكان تاني لكن مش من فوق جبل !
تقي بصت من شباك العربية علي منظر الجو وقالت: الجو هنا حلو وهادي
فتحت باب العربية وقالت: إنزل بس
نزل من العربية وهو بيقول: أما نشوف أخرتها
وقفت قدام شنطة العربية وحاولت تطلع معرفتش
ضحك ورفعها من وسطها وقعدها وقعد جمبها وقال: هتبقي مبسوطة كدة ؟
حضـ"ـنت دراعو وقالت بسعادة: مدام معاك هبقا أحسن إنسانة في الدنيا كلها
ضمها ليه وإبتسم بحب وبدأو يتفرجو علي شكل السماء وهو بيتكلمو
" صباح تاني يوم "
صحيت زينة من النوم لقت نفسها في حضـ"ـن عيسي وبيلعب في شعرها
قالت بنعاس: هو المفروض أكون مش بكلمك ومتخانقة معاك بس الخطة باظت بسببك
ضحك عليها وميل با"سها وقال: صباح القمر وبعدين مقدرش يعدي يوم من غير ما أخدك في حضـ"ـني
إبتسمت وقالت: طب وسعلي بقا أقوم
شالها وقام وقال: تؤتؤ نقوم مش أقوم
زينة وهي بتشوح: يختااااي يَـعم نزلني أنا بعرف أخد شاور لوحدي بقا
ضحك عيسي وقال: تؤتؤ هناخدو سوا
إتجه بيها للحمام وهو مازال شايلها
" في بيت مازن "
صحيت ريهام وقامت جريت علي الحمام وهي ماسكه بطنها
مازن حس بِـحركتها وقام دخل وراها الحمام لقاها ساندة علي الحوض، قرب منها وقال: في إيه يَـحبيبتي مالك
رجعت لِـورا وسندت بجسـ"ـمها علي جسـ"ـمو وقالت: قايمة من النوم بطني مقلوبة ومش قادرة بجد
مسح العرق اللي علي وشها وقال: طب إهدي وتعالي أعملك شوربة خضار حلوة تشربيها
غسلت وشها وطلعت معاه للصالة وسابها ودخل يعملها شوربة الخضار وهي سانده علي ضهر الكنبة ومرجعة راسها لِـورا وهي مغمضه عينيها الإتنين
بعد حبه طلع مازن من المطبخ وهو شايل صينية الأكل، حطها علي الترابيزة وقرب منها وقال: حبيبي الشوربة جهزت
حط إيدو علي خدها براحة وقال: ريهام
ريهام مردتش عليه وكانت مازالت مغمضه عينيها
مازن بصلها بقلق وقال: ريهام ردي عليا برضوا ملقاش إستجابة منها
مازن شالها وحطها علي السرير ورن علي الدكتور وقعد جمبها باصص ليها بقلق واضح..
يتبع..
مازن شالها وحطها علي السرير ورن علي الدكتور وقعد جمبها باصص ليها بقلق واضح
الباب خبط قام فتح وقال: تعالي يَـدكتور
دخل الدكتور وقال: هكشف عليها وهقول لحضرتك
وقف مازن جمب الدكتور وهو بيكشف علي ريهام
بعد دقايق نزل الدكتور السماعة من علي ودنو وقالت بإبتسامة: مبروك المدام حامل
مازن بإبتسامة: عارف بس إيه علاقتو بإنها تفقد الوعي وتفضل ترجع!
الدكتور بإبتسامة: دا طبيعي في أول شهور الحمل بس لازم تتابع مع دكتورة نساء وتوليد علشان هي تقريبًا متابعتش
مازن هز راسه وقال: تمام يَـدكتور شكرًا
طلع الدكتور وحاسبو مازن ودهل لِـريهام تاني وفضل قاعد جمبها لحد ما تفوق..
بعد حبه صحيت ريهام وأول ما فتحت عينيها شافت مازن باصص ليها بِـعتاب ولوم إتعدلت وقالت: هو إيه اللي حصل
مازن بِعتاب: مش متابعة مع دكتورة ليه يَـهانم مش فيه بيبي دلوقتي في بطنك والمفروض إنتي مش شايلة مسؤولية نفسك بس إنتي شايلة مسؤولية إتنين دلوقتي إنتي واللي في بطنك
ريهام بتعب: أسفة
مازن بهدوء: أنا حجزت عند دكتورة كويسة وهنروحلها تمام ومن هنا ورايح هتهتمي بنفسك ومواعيدك عند الدكتورة هروح معاكي أنا إتفقنا ؟
قامت وقفت قدامو وحضـ"ـنتو وقالت: إتفقنا يا أبو العيال♡.
" بعد مرور شهر "
عيسي بزعيق: ما تنجزي يَـزينة
زينة بصوت عالي من جوا: خلاص يَـحبيبي خلصت
طلعت زينة وهي ماسكة في إيديها فردة الحلق وبتقول: مش عارفة بتزعق ليه إنت..
عيسي بنفاذ صبر: لأ يَـختي مفيش حاجة مستاهلة خالص كل الحكايه إن النهاردة فرح رامي علي تقي وحضرتك مأخرانا جامد
زينة بإبتسامة: خلاص أهو خلصت بس مين كان متوقع إنهم فِـخلال شهر يتجوزو!
عيسي قال وهو بيعدل شعرو قدام المراية: دا تعب علي ما أقنع أبوها إنهم يتجوزو علي طول من غير خطوبة
لف ليها وبص علي شفا"فها لقاها حاطة روچ لونو أحمر، قرب منها وبا"سها بعمق مسحلها الروج، بعدت لِـورا وقالت: ياربي إنت دايمًا خاربلي أي روچ بحطو كدة
ضحك عيسي وقال: بدوق طعمو
زينة مسكت الروچ وقالت: إبقي دوقو من الصابع بتاعو بعد كدة
وقف وراها وحضـ"ـنها وقال وهو باصص ليها في المراية: علي شفا"يفك طعم تاني
سابت الروچ وإبتسمت وقالت: يلا
لفها ليه وبا"س إيديها وقال: يلا
نزل عيسي وزينة سوا وهما مشبكين إيديهم في إيد بعض لقو نيهال واقفة وماسكة في إيديها زين اللي لابس بدلة نفس البدلة بتاعة عيسي
طلعو كلهم سوا من البيت علي القاعة مكان الفرح
" بعد نص ساعة "
دخل عيسي وزينة ونيهال وزين القاعة
قرب مازن عليهم وقال: إيه يَـعم كل دا بتيجي أنا مكلمك من ساعتين وقولتلي قدامي خمس دقايق
