اهلا اهلا

توريني حاجه من اللي هتعملها كده 
واحد منهم بس كده من عنيا 
وراح ضارب شريف روسيه في دماغه خلاه مش قادر 
شريف وقتها ضربه حته ضړبه ما بين رجليه وطلع علي الموتوسيكل بتاعه وبقي يجرى بالموتوسيكل والبلطجيه بقت تجري وراه لحد ما شريف طلع علي كوبري وهما وراه برضوا راحوا زنقوا شريف علي الكوبري شريف وقف بالموتوسيكل وراح ناطط من علي الكوبري وقع في المايه 
واحد من البلطجيه هرب ابن الكلب ماتسيبهوووش ده اخو عز الصغير يعني لو مسكناه هنكسب من وراه دهب بسرعه 
عم حسين كان قلقان جدا علي شريف 

عم حسين الوقت اتاخر اوي وشريف اتأخر اوي ياغرام 
غرام في نفسها ان شالله ما يوعي يرجع 
عم حسين وبعدين بس ياربي مابيردش علي تليفونه خالص 
غرام هو صغير ياعم حسين تلاقي في واحده عجبته قال يغتصبها وهو ماشي 
عم حسين لا حول ولا قوه الا بالله 
عم حسين فضل يتصل تاني لقي تليفون شريف اتقفل 
شريف فضل يعوم .. يعوم لحد ما هلك وهو اصلا تعبان وطاقته كلها خلصانه وجاب اخره لحد ما طلع علي الشط ولقاه واحد فقير علي قده شاله وډخله عنده العشه بتاعته وشريف وقتها من التعب اغمي عليه 
مين ده يابا
معرفش يابني لاقيته مرمي في الارض وانا بصطاد في النيل
بس ده باين عليه غني اوي 
عرفت منين يابني 
من هدومه وشكله انت شايف عامل ازاي 
طيب تعالي .. تعالي نقلعه هدومه ونلبسه هدوم ناشفه ونعمله حاجه سخنه 
الراجل وابنه ابتدوا يقلعوا شريف هدومه ولبسووه جلابيه ومره واحده فون شريف رن تاني 
التليفون بتاعه بيرن يابا 
رد .. رد بسرعه اكيد اهله قلقانين عليه 
الوو ايوه احنا لاقيناه مرمي علي الشك في النيل لازم حد ييجي ياخده ده مغم عليه ورايح فيها خالص 
عم حسين _______________
ابتدي الولد يديهم العنوان 
عم حسين الحقي ياغرام .. الحقي يابنتي شريف مغم عليه لازم نلحقه 
غرام طيب ما تقول لمراد ولا كلم اي حد 
عم حسين اتصل بمراد لقي فونه مقفول وللاسف محمود ابن عم حسين مكانش موجود وقتها وتليفونه مابيردش 
اللي لقاه شريف اتصل بيهم مره تانيه 
عم حسين الووو 
الراجل ____________
عم حسين احنا جايين اهوه خللي بالكم منه 
الراجل _________________
عم حسين مسافه السكه علي طول 
عم حسين بص لغرام لازم نروحله يابنتي 
غرام انت بتقول اي ياعم حسين ما ان شالله ېموت ولا يولع انا مالي بي 
عم حسين وطي علي ايد غرام ابوس ايدك يابنتي لازم نلحقه 
غرام استغفر الله ياعم حسين انت بتعمل اي 
عم حسين انا معايا مفاتيح العربيه ومابعرفش اسوق تعالي معايا يابنتي انتي بتعرفي تسوقي 
غرام ايوه بعرف 
غرام انا هاروح عشان خاطرك انت بس .. بس لو عليا ان شالله هو ېموت 
عموحسين بسرعه يابنتي بسرعه 
غرام اخدت العربيه بتاعت عز وطلعت وراحوا العنوان 
الولد مش قولتلك يابا ان الراجل ده غني فخ 
ده تليفونه ضد المايه انت عارف تليفون زي ده يسوا كام 
غرام وعم حسين دخلوا عليهم 
عم حسين احنا جينا اهوه 
الراجل اهلا وسهلا شرفتوا 
غرام ابتدت تفوق شريف وحست علي النبض بتاعه 
عم حسين اي يابنتي هو كويس 
غرام ماتقلقش ياعم حسين زي القرد هو اكيد من التعب مش اكتر 
غرام حد يجيب بصله ولا اي حاجه بسرعه 
الراجل جاب بصله وابتدت غرام تفوء في شريف 
وابتدي شريف يفوء واول ما شريف شافها راح ابتسم وبعدها ابتدي شريف يركز لقاها غرام 
شريف هو انتى 
غرام اهو عندك ياعم حسين شوف هتعمل معاه اي
شريف لبس هدومه وطلع هو وغرام وعم حسين
عم حسين اي اللي حصلك ياشريف يابني احكيلي 
شريف اركب ياعم حسين مافيش حاجه حصلت اركب عم حسين ركب قدام وغرام ورا وشريف بقي يبص لغرام من المرايه اللي في النص وغرام تبصله بقرف 
شريف اي اللي جابها معاك دي ياعم حسين
عم حسين يابني انا مابعرفش اسوق كان لازم حد يجيبني 
شريف مشي بالعربيه شويه ومره واحده لقوا اللي بيخبط في العربيه بتاعتهم من الجانبين 
عربيات نص نقل صغيره مليانه بلطجيه 
شريف اقفلوا الازاز بسرعه كله يقفل الازاز 
عم حسين بسرعه قفل الازاز هو وغرام بتاعهم شريف بقي يحاول يهرب منهم وهما بيحاولوا يجيبوه شريف قبل ما يخرج من منطقتهم واخيرا بعد محاولات كتير منهم العربيه بتاعت شريف اتقلبت قلبه في التانيه ودخلت ما بين الزرع شريف بسرعه بقي يحاول يفتح الباب وغرام نفس الكلام بقت مش قادره تتحرك وبتفتح الباب بالعافيه 
وبعدها بيبصوا لقوا البلطجيه جايين وراهم 
شريف اطلعي بسرعه ياغرام بسرعه 
غرام طيب وعم حسين 
شريف سبيه محدش هياخد باله منه هما هيجروا ورانا احنا بسرعه مافيش وقت 
عم حسين اغم عليه وشريف مد ايده لغرام وغرام مدت ايدها لشريف ودي كانت اول مره يلمسوا ايد بعض فيها 
شريف اخد غرام وهرب وفجاه
البارت الثالث عشر 
بقلمي مآآهي آآحمد
شريف مد ايده لغرام وغرام مدت ايدها لشريف ودي كانت اول مره يلمسوا ايد بعض كانت المره دي شريف اخد غرام وهرب ما بين الزرع وفجأه 
بيبص لقي واحد منهم قدامه شريف اول ما شافووه راح حط غرام ورا ضهره علي طول وحماها منه 
الراجل جاب الشومه ولسه هيضررب شريف علي راسه راح شريف مسك الشومه منه وبعدين عرف يخلي بسيب الشومه من ايديه ومسكها وضربه علي دماغه ورمي الشومه بعيد 
شريف اجرى انتي اهربي بسرعه 
غرام طيب وانت 
شريف بصلها كده باستغراب انها بتسال عنه
ولسه بيبصلها جه واحد تاني عليه راحت غرام اول ما شافت التاني راحت سابت شريف وجريت شريف بقي يضرب في التاني والتاني يضرب فيه بالبونيه في وشه راح بوقه كله جاب دم شريف راح اول ما شاف الدم طلع من بقه راح تف الدم في الارض وريأكشنات وشه اتحولت كلها لڠضب وابتدي يضرب التاني ضربه في وشه في التانيه في التالته لحد ما التاني رجع لورا وهو بيقع شريف بيبص عليه راح واحد جه من وراه شريف ورفع الشومه عليه ولسه هيضربه علي دمااغه راحت غرام ضړبت الراجل علي دمااغه من وراه شريف بص وراه لقي غرام ايدها بتترعش عشان ضړبت الراجل 
غرام وهي بتترعش ومش قادره تتكلم 
غرام انا قټلته الراجل ماټ انا قټلت 
شريف قرب من غرام ومسك وشها ما بين ايديه وقلها 
شريف اهدي ياغرام 
غرام مكانتش بصه لشريف وبصه علي الراجل اللي مرمي في الارض 
شريف لسه ماسك وش غرام ما بين ايديه وبيقولها 
شريف غرام ما تبصلهووش 
بس غرام لسه بتبص للراجل اللي ضړبته علي راسه ودمه سايح من دماغه 
شريف بزعيق ياغرااااام بصيلي 
غرام اتنفضت بسرعه وبصت لشريف 
شريف احنا لازم نمشي من هنا بسرعه انتي فهماني 
غرام پخوف ايوه .. ايوه فهماك 
الحق يامعلم في حد في العربيه .. العربيه مش فاضيه
المعلم هاتووه بسرعه 
الرجاله بقت تطلع عم حسين من العربيه وهي اصلا مقلوبه فتحوا الباب بالعافيه وبقوا يجروا عم حسين 
واخدوه معاهم 
المعلم مين ده كمان 
الراجل معرفش بس هو كان معاهم في العربيه 
شوف كده في حاجه في العربيه 
الراجل مافيش حاجه العربيه مدغدغه 
المعلم طيب هاتووه ماتسيبهووش
الراجل امرك نافذ يامعلم 
بقلمي مآآهي آآحمد
شريف اخد غرام وبقي يجرى بيها ما بين الزرع وهو ماسك ايديها 
غرام وقفت من كتر التعب ووطت كده وقالت لشريف 
غرام وهي بتنهج وموطيه مش قادره مش.. مش قادره ..