الجزء الاول بقلم مها العسيوي

عن الناس كانت بيرى فى عربيتها ومعاها عمار الى قاعد جنبها مصډوم بتجولى ايه بعتى صوتنا لبدر انتى اتچنيتى اياك
بيرى ببرود اتجنيت ليه !! مش انت عايز تتاكد اذا كان بدر بيحبها ولا لا 
عمار بغيظ وبصوت عالى مش بجولك مچنونه وميشان تتاكدى تجتليها 
ضحكت بيرى باستهزاء اقټلها مره واحده ليه بعتاله صورتها فى وضع مخل معاك 
عمار مسك اديها بغل اخرسى !!! انتى غبيه ولا انتى ناسيه اننا صعايده واجل حاچه

ممكن تخلى بحر ډم يبدا 
بيرى ببرود معتقدش ان ممكن بدر توصل معاه انه ېقتلها لو فعلا حبها وشاف صورتك معاها اخره هيطلقها ولو محبهاش برده مصيره هيطلقها وفى تلك الحالتين احنا نستفاد
عمار نفخ بغل وحاضرتك مفكرتيش ان ممكن تاچى فى الاخر فوج راسى انى 
ضحكت بيرى بصوتها كله وهى بتقوله قول كده انك خاېف من رد فعل بدر عليك 
عمار اتعصب جولتلك جبل اكده بدر بتاعك ديه ديته عيندى ړصاصه بجروش
بيرى بصتله قوى بقولك ايه خلينا فى المهم علشان بدات تخرف 
عمار بغيظ وايه هو المهم ديه ياست ام العوريف 
بصتله بقرف حاول ماتظهرش الايام دى خالص لحد مانعرف بدر عمل معاها ايه 
عمار وانى اطمن عليها كيف
بيرى هتطمن ياحنين متخفش انا عارفه بدر كويس ومتاكده انه عمره مايمد ايه على ست ابدا مش ېقتلها 
عمار لنفسه والله مانتى خابره حاچه وهتودينى فى داهيه بغباك بس العيب عليا انى مشيت وراكى 
حركت العربيه ومشيت بيها وصلته وروحت البيت
عند بدر كان لسه قاعد زى ماهو وعنيه على مريم مستنيها تفوق وتطمن قلبه . شويه وبدات تحرك رموشها ودمعه نزلت من عنيها وهى مقفوله وعلى لسانها كلمه واحده بدر ...بدر 
قرب منها بدر بلهفه وايده على شعرها بيملس عليه انا جنبك ياحبيبتى 
فتحت عنيها ودموعها نزلت پخوف وقامت مره واحده حضنته وهى بتتكلم وبتعيط بهستريا بدر علشان خاطرى متبعدش عنى انا معندش هخرج من البيت خالص بس متاذيش نفسك وتاذى ابنى بالطار الى هيستناه فى المستقبل 
بدر قرب من رقبتها باسها وهو بيحاول يهديها هششش.. اهدى ياقلبى الموضوع خلص اهدى
بعدت مريم عنه وهى مصدومه انت عملت ايه قټلته !! 
بدر بصلها قوى ورسم ابتسامه على وشه ورفع ايده يبعد شعرها عن وشها انا متنقلتش من جنبك ياحبيبتى ممكن تهدى شويه علشان متتعبيش تانى وتتعبى ابنى معاكى
مريم بصت على سرير يونس كان نايم رجعت بصتله يونس ماله هو تعبان ابعد كده اما اشوفه ماله 
لسه هتقوم نايمها تانى وقرب منها قوى انا مش قصدى يونس انا قصدى ابنى التانى الى هنا وحط ايده على بطنها 
مريم بصتله مش فاهمه او مش مصدقه ااانت قصدك اانى 
سكتت مريم وبدر كمل وهو بيبص لعنيها بحب حامل ياقلبى
مريم الدموع نزلت من عنيها تانى بس المرادى دموع الفرحه بجد يابدر يعنى هجيب نونو منك 
ضحك بدر قوى اه ياقلب بدر هتجيبى نونو يانونو
مريم حضنته وهى لسه عماله ټعيط وهو بيهديها خلاص بقى بتعيطى ليه دلوقت 
مريم انا فرحانه قوى يابدر 
بعدها عنه شويه وبصلها باستغراب وهو بيمسح دموعها انتى كده فرحانه اومال لو زعلانه هتعملى ايه 
مريم انا خاېفه قوى يابدر اوعدنى انك مش هتعمل حاجه تاذيك وهو خلاص رجع الصعيد ومش هيقرب مننا تانى 
بدر بغيظ انتى شايفه بالصوره الى بعتها دى انه بعد !! دى كانت مجرد حيله علشان يقرب منك ويقدر ياخد الصوره معاكى علشان يبعتهالى 
مريم خاڤت اكتر وبصت لبدر ووشها بان عليه الخۏف يعنى ناوى على ايه 
بدر باصلها وافتكر كلام الدكتور وانه ممكن يخسرها هى والى فى بطنها قرب منها ومسك وشها بين ايديه حاليا مش ناوى اعمل اى حاجه غير انى اخد حقى منك واعقبك على انك خبيتى عليا
وقبل مامريم ترد كان بدر قرب منها وباسها بحب وشوق كان محتاج يهدى نفسه ويبعد تفكرها عن الى حصل علشان متتعبش تانى 
بعد عنها بعد فتره وهما بياخدوا نفسهم بسرعه وبص فى عنيها بحب انا بحبك قوى يامريم عمرى ماحبيت ولا هحب غيرك
مريم ابتسمت وانا كمان ياحبيبى عمرى ماحبيت ولا اقدر احب غيرك انت وعيالى 
بدر بصلها بغيظ عيالك ايه الى تحبيهم بقولك ايه من الاول كده تعملى حسابك انتى بتاعتى انا يعنى الاقى عيل يقولى دى امى وبحبها ويحضنك وقلة الادب دى مابحبش 
مريم بصتله قوى وفجاه ضحكت بصوتها كله عليه بدر بصلها ومن جواه فرح انه قدر يخرجها من زعلها رسم على وشه الغيظ وقرب منها ممكن اعرف الهانم بتضحك على ايه قولت نكته انا 
سكتت مريم اخيرا وحضنت وشه باديها وهى بتتكلم بصوت هادى انت بجد بتغير من عيالك يابدر 
بدر بنفس الصوت انا بغير من ابويا مش هغير من عيالى 
مريم بس دول عيالى واكيد محتاجين حضنى وحنانى عليهم
بدر سند على جبنها واتكلم بهمس انا عارف بس اعمل ايه مبقدرش اشوف حد يقرب منك بحس انى بتخنق انا عارف انى انانى بس مش عايز حضنك يكون غير ليا لوحدى 
مريم انا كلى ليك ياحبيبى وهفضل ملكك لحد اخر يوم فى عمرى 
بدر بعد الشړ عنك ياقلب بدر ..المهم بكره لازم نروح لدكتورة نسا علشان نطمن عليكم ونتابع معاها 
مريم بس انا معرفش دكاتره نسا هنا انت تعرف حد 
بدر لا بس هعرف بكره ربنا يسهل ممكن بقى ترتاحى شويه عبال ماحضرلك الاكل 
مريم قامت لا خليك انا بقيت كويسه والاكل جاهز اصلا عالتسخين
بدر قرب باسها بسرعه من شفايفها ونايمها تانى خليكى انتى مرتاحه وانا هسخن الاكل واجى اكلك قصدى ااكلك
سابها بدر بعد ماغمزلها وخرج من الاوضه واول مادخل المطبخ وشه اتغير طلع موبيله واتصل على رقم الو ايوا ياعليش اسمعنى زين عايزك تتاكد اذا كان عمار رچع البلد ولا لساته اهنه فى مصر وترد عليا فى اسرع وجت سامعنى 
عليش حاضر دجايج وهاتصل بحاضرتك اجولك
قفل بدر ووقف عنيه على تليفونه طلع الصوره وهو بيفكر ياترى مين الى بيساعدك ياابن جابر دانت عقلك عمره ماعرف يفكر اكيد الى صورك مع مريم هو الى بيساعدك بس مين
بعد حوالى ربع ساعه تليفونه رن ايوا ياعليش 
عليش ايوا ياسى بدر عمار لساته عنديك الواد سعفان اكد عليا انه مچاش البلد واصل 
بدر بغل خلاص ياعليش اقفل انت وانى هبجى اكلمك تانى 
قفل بدر وهو بيكلم نفسه ماشى ياعمار الكلب هجيبك انت والى معاك وساعاتها ماتلومش الا نفسك
روحت بيرى البيت واول مادخلت قابلها سليم متعصب ممكن اعرف الهانم كانت فين 
بيرى بصتله وابتسمت باستهزاء ايه ده معقول سليم بيه سايب الليدى تالا وواقف مسنينى ليه ياترى 
سليم بغلب يابنتى ارحمينى وارجعى بيرى بنتى الى مافيش أطيب منها انا خلاص تعبت 
بيرى ببرود رجعلى امى الى انت قټلتها وانا ارجع زى الاول تقدر
سليم قرب منها ومسك دراعها بغل فوقى بقى من اوهامك دى امك هى الى موتت نفسها مش انا الى قټلتها 
بيرى بعدت عنه بعصبيه انت السبب خيانك ليها هى الى وصلتها لكده وفى الاخر روحت جبت حبيبت القلب هى وبنتها وبكل برود جاى تقولى اختك طب مايمكن دى تكون بنت حرام ولازقتها فيك