رواية خطوبة الندامة كاملة جميع الفصول بقلم ايمان شلبي
المحتويات
-ايه ده مالك ؟
-مفيش
-مفيش ازاي يعني هو انا معرفكيش ده احنا عشره شهرين ياجدع
عيطت وانا لتحت:
-في عريس متقدملي
رد بهدوء:
-وانتي زعلانه ليه؟
رفعت وشي وانابسأله بذهول:
-معقوله بتسأل
رد بأنفعال:
-ايه لسه بتحبي خالد
رديت باستغراب:
-انت بتتكلم كده ليه ياسالم
-عشان انا متضايق عشانك،انتي بتضيعي فرص من ايدك ياتاليا كل ده عشان ايه !
-انا مش بحبه والله مبقتش بحبه بس بس....
-انتي مقهوره من اللي عمله
-بالظبط كده،وخايفه احب حد تاني يطلع اسوء منه انا قلبي مش حمل خبطات تاني ياسالم
-بس انا مش زيه
رديت باستغراب:
-مش فاهمه وانت ايه علاقتك بالموضوع
اتنهد وبص قدامه ورد بهدوء:
- عشان انا اللي متقدملك
رديت بذهول وانا ببلع ريقي:
-ا انت
نزل رأسه وبص في عيوني:
-ايوه انا
صدقيني انا مش هو،انا هحبك زي ما بتتمني،عمري ما هزهق منك ولا من تقلباتك المزاجيه،عمري ما هبطل اهتم بيكي،عمري ما هخذلك ولا هسمح لنفسي اني انيمك زعلانه في يوم
تاليا انتي تشبهي الورد،رقيقه،وجميله،طول ما بتتروي حب وحنان بتطلع احسن ما عندها،وانا هعتبرك ورده في بستاني وهفضل ارويكي طول الوقت عشان متنطفيش ولا تدبلي
اديني فرصه واوعدك قلبك في يوم هيدوب جوا قلبي
اتنهدت وانا بمسح دموعي وبرد بهدوء:
-مش كنت تقول من البدايه انك العريس
-يعني ايه
متابعة القراءة
