رواية خطوبة الندامة كاملة جميع الفصول بقلم ايمان شلبي

رديت بصوت مبحوح:

-محبتش ادوش دماغك بتفاهاتي

ردت بذهول:

-تدوشي دماغي ايه ياعبيطه انا امك مش واحده صاحبتك !

-عادي ياماما الموضوع مش مستاهل

-لا طبعا مستاهل ونص كمان لما يفضل خطيبك اسبوع بحاله ميتكلمش معاكي يبقي مستاهل

رديت بتأكيد:

-مع أن أصلا الموضوع مش مستاهل يعمل كده

-وده ملفتش نظرك لحاجه؟

-حاجه زي اي ياماما

-انه بيتلكك

-طب وبعدين ياماما هنعمل ايه

-ابوكي قالي هتصرف بس انتي عارفه أن ابوكي يومه بسنه

-طب نعمل ايه ؟

-معاكي رقم الحربايه امه

-اه

-هاتيه اكلمها

-هتقوليلها ايه

-هسألها عن ابنها،عايزه اعرف البيه مختفي فين

لو مش عايز الجوازه ديه يبقي ياخد شبكته وبالسلامه

انما مش هنفضل قاعدين حاطين ايدينا علي خدنا مستنين الفرج !

رديت بتوتر:

-ايوه بس احنا من ساعه الخطوبه واحنا بنحاول نتجنب الست ديه لو كلمناها هتقولك وانا مالي وهتحرقلك دمك