الجزء الاول بقلم زهرة عصام

دماغي هي عاوزة تأكل شاورما هات ليها السندوتش من على المكتب ينوبك ثواب
حازم بحزم ملك بس خليني أشوف اللي متجوزها بالسر و مخلف منها دي
رهف بصت وراها و عقدت حواجبها و قالت
هي مين دي اللي أنت متجوزها في السر إنت مش عارف إن كدا حرام يا متعلم يا بتاع مدارس بلاد بره
حازم بصلها پصدمة و قال إنت بتقولي ايية 
رهف بصت ل ملك و قالت
طب إحضرينا إنتي يا مودام هو انا فتحت بوقي حتي 
هزت ملك رأسها بالنفي و قالت
الحق حق يا حازم هي مقالتش عليك غير كل خير وإلا اية يا مالك
مالك هز رأسه بايجاب و قالت
آه طبعا طبعا
حازم انتي هبلة يا ملك مش لية بقولك إن الأستاذ بيبان عليه كل حاجة و ميعرفش ېكذب
ملك صح يا حازم نسيت الحمل و عمايلة بقي يخويا المهم البت رهف هتستلم الشغل إمتي خليني أروح ملوك زمانها بټعيط
حازم بسخرية
ملوك مين دي اللي بټعيط دي تلاقيها هايصة و مجننه الكل معاه وإلا تلاقيها لازقة ل. وليد عشان يخليها تشيل مالك الصغير
أما بالنسبة ل أم لسان و نص دي ف دي بقي هتبدأ شغل من دلوقتي و مسكها من قفاها و قال تعالى ورايا
رهف قالت ليه بصرامة
إستني عندك إنت جابر حمار وراك إستني نسيت حاجة مهمة
حازم سابها و بصلها لقاها قربت من ملك و قالت
فين سندوتش الشاورما يا ست الواد مش هيطلع في قفاه بس دا هيطلع في جبهته كمان
ملك إديتها السندوتش و همست في ودنها
يلا يا بشا مهمتك بدأت إتكلي على الله و أنا متأكدة إنك قدها و قدود
رهف لا تقلق يسطا بنت خالتك قدها و قدود و بعون الله البشا دا أسبوع واحد و هيفك و يبقي زي العسل طلاق تلاتة ما هسيبة غير و هو فريش كدا
حازم إنتي بتقوليلها إية أفهم معلش
رهف بودع المودام في إية يلا أنا مستعدة
حازم بإنتقام
أول قاعدة ممنوع الأكل أثناء ساعات العمل
رهف أكلت حته من السندوتش و هي ماشية وراه ع قالت
لا القاعدة دي هناك على القهوة إنما إحنا هنا في شركة محترمة
مالك بعد ما خرجوا أخد ملك في حضنه و ملك نامت على صدره و قالت
تفتكر هيكملوا مع بعض 
مالك بضحك يعني علاقة وراها عصابة و مش عوزاها تنجح إنتي بتهزري يا ملك 
ملك بس يا مالك إحنا مكناش متفقين على جواز إحنا كنا عاوزين حازم يخرج من الحالة اللي هو فيها دي و الصراحة لو عليا أجوزه رهف دلوقتي مش بعدين
مالك مسكها من كتفها و وقفها قدامه و قال
ياااه إنتي بتحبي رهف أوي كدا يا مكا
ملك بصت في عيونه و تاهت و قالت
طبعا مش بنت خالتي
مالك طب ما تحبيني معاها يا ملك دا أنا زي جوزك يعني
ملك تهات في عيونك و قالت
أنا مش بحبك يا مالك دا إنت النفس إللي بتنفسه ابو ولادي و جودي
ف

________________________________________
يا عزيزي لم يبقي بقلبي مكان إلا و إحتله حبك .. نعم حرب هي قائدها قلبك و حبك فيها الفائز
مالك بصلها جامد و إبتسم و قال
تلاتة بالعظيم لكون حاطط ليكي قطره دلوقتي إنتي مش كنت عاوزاها من شوية و أنا أهو هحطلك
إقترب مالك إليها ثم قبلها قبلة بث فيها حبه و شوقه العارم إليها
ملك حضنته جامد و قالت
أيها الزعيم إنك على قلبي سلطان .. ف والله إن لم يكن ملك لوددت أن يكون ملك .. فإسمح أنت لي و أنا سأضعه بين يديك و عليه ختم نقل الملكية
شدد مالك من إحتضانها و قال
هرمونات الحمل شغالة معاكي جامد الحمل دا يا ملك مخلياكي تقولي شعر
ملك بصت ليه و قالت
صدق بالله أنا غلطانة لملي الأكل دا و روحني أكل أنا و عيالي بعيد عنك لا تقولي هرمونات الحمل ولا رومانسيه إنت مينفعش معاك غير النكد أصلا روحي يا مالك دلوقتي عشان أزف الخبر ل منال و منه المتكسحة من الولادة
مالك ضحك جامد على قبلتها و قال
دا إنتي محدش يهزر معاكي خالص أصلا تعالي هوصلك بنفسي
ملك بصت على المكتب و قالت
الأكل قبلي أنا و إنت يا مالك محدش هيطبخ النهارده أنا واحدة مش قادره تمشي أصلا و البت منه نايمة عشان الولادة و منال هتفوا هو انا مخلفاكم عشان أخدمكم و إلا عشان إنتوا تخدموني
مالك باس خلاص مش عاوز أعرف كنت قولتي هات الأكل و خلاص دا انتي رغاية أوي
ملك بصت ليه پصدمة و قالت
أنا رعاية يا مالك إيش حال لسه قايلة فيك قصايد و سيباك تحطلي قطره صحيح ياخدكم لحم و يرميكم عظم و سابته و مشيت
مالك مخبولة عليا النعمة مخبولة
ملوك يا وليد بقي هات أشيله شوية
وليد لا هو لسة صغير لما يكبر شوية
ملوك والله لقول ل حازم و هو هيخليني أشيلة أصلا لما ملك تجيب البيبي مش هخليك تشيلة هات بقي أبوسة
وليد برفض لا عشان الأمراض و هو لسة بيبي مش هيستحمل
ملوك ضړبت الأرض برجليها و قالت
والله لو ما جبته لقوم منه عليك هات بقولك
وليد اعملي اللي إنتي عاوزاه لكن مالك نو يا ملوك مالك إية نو
ملوك برقت لية و قالت
ماشي يا حازم ماشييي
و جريت و هي بتنادي على منال
ملوك يا تيتي بقي مش راضي يديني البيبي ألعب معاه
منال تلعبي مع مين يا ملوك دا لسة صغير يا حبيبتي لما يكبر شوية
ملوك بس انا عاوزة ألعب معاه دلوقتي و ليد مبقاش يحبني و بقي يحب مالك بس و ضړبت الأرض برجليها و قالت و هي بټعيط
و أنا كمان مش راح أحبه تاني و سابتها و طلعت ټعيط في اوضيتها
مسكت التليفون و إتصلت بحازم و هي بټعيط
حازم رد عليها بسرعة و قال
إية يا قلب حازم مين مزعلك
ملوك بعياط شوفت يا حازم وليد مش بيحب ملوك و مش راضي يخليها تبوس النونو
حازم بس خلاص أنا لما اجي هخليكي تبوسية و تشليه كمان
ملوك بعياط لا تعال دلوقتي خدني عندك أنا مش راح أقعد معاهم تاني لمېت لعبي في الشنطة و هاجي عندك
حازم ضحك عليها جامد و رهف قاعدة مرقباه و يتقول
مهو بيضحك أهو أومال إية أم التكشيرة اللي ضاړبها في وشي من الصبح دي
حازم قام وقف و قال
خلاص جهزي كل ألعابك و أنا هاجي أخدك عندي يلا سلام
حازم مبصش ل رهف أصلا و أخد مفاتيح عربيته و خرج جري على ملوك
رهف دا هو إيه دا شفاف أنا يعني وإلا اية أحسن حاجة أكمل نوم هنا على ما يجي تاني
مالك وصل ملك و مدخلش خرج علطول و ملك دخلت لقت منال قاعدة في الصالة و ملوك نازلة على السلم و شايلة شانطة على ظهرها و يتقول
والله ما أنا قاعدة ليكم في البيت دا .. دا إنتوا عيلة تشل أصلا و قعدت على الكنبة تستني حازم
ملك بصت ل منال و قالت
مالها دي ڠضبانة لية و ضاربة بوز
منال عاوزة تشيل مالك و وليد مش راضي
ملك وليد مش