الجزء الاول بقلم زهرة عصام

أنا أخوك و ستر و غطا عليك
حازم بص لية بزهول و قال
إنت بتقول اية يا وليد إنت مصدق اللي المتخلفه دي بقوله 
رهف بصت ليه بغيظ و قالت
والله ما في متخلف هنا غير يا بتاع يا معفن
بصت للسكرتيرة و قالت
سبيني خلاص أنا تمام مش هتعصب تاني
السكرتيرة سابتها بحذر و رحف بصت ل حازم پغضب و قالت
التليفون بتاعي طاهر و هيفضل طول عمره طاهر أنا تشوف على موبايلي نسوان بس تصدق بالله الغلط مش عليك الغلط على اللي بيتسرمح معاهم هنا و فخور أوي بإنجازاته المخلة للاداب طب طلاق تلاتة لكون داعمة مالك أكتر من كدا و هخليها تتجوز بعده .
أخدت نفس عميق و قالت للسكرتيرة
إلحقيني و حيات أمك بشوية ماية بسكر لحسن دوخت و نفسي اتقطع من النمرة اللي عملتها
حازم بص ل

________________________________________
وليد و قال
ورحمت أمك لتسبني عليها عشان دي مش هتيجي غير بعلقة مني سبني يا وليد بقولك
رهف إتعصبت و قالت
ټضرب مين إلهي يجيلك ضړبت شمس يا بعيد طب قرب كدا و شوف اية اللى هيحصلك و إن كنت تعرف ملك و منه فإنت متعرفش رهف يا عنيا
وليد زفر بحنق و قال
ما خلاص بقي يا رهق هدي الدور أنا يا ستي آسف ليكي ها اية تاني
رهف بصت ل ضوفرها و قالت
الأخ اللي إنت ماسكة دا يعتذر دا بيقول عليا بشنب يا وليد
وليد بص ل رهف و قال بسرعة
طب ما هو عنده حق
رهف برقت ليه و قالت
نعم إنت قصدك عليا أنا 
حازم ضحك بسخرية و قال
و شهد شاهدا من أهلها كلمة الحق بتطلع الأول و أهو قال عليكي جعفر
رهف أخدت نفس و كتمت الكلمة جواها و قالت
أنا هوريكوا جعفر دي هتعمل اية قربت منهم و نتشت الفون من حازم و هي بتقول
واحد فاسق فلاتي و بتاع مصاپ بمراهقة متأخرة مش أنا جعفر ورحمت أمي لأفضحك في الشركة بتاعتك دي
حازم عينه وسعت و قال للسكرتيرة
إلحقيها بسرعة يا أمل دي هبلة و تعملها
أمل جريت ورا رهف و وليد و حازم وراها بس للاسف محدش لحقها
رهف كانت واقفة في نص الشركة و قالت بصوت عالي
إسمعي يا شركة مفيهاش مدير محترم الواد اللي إسمه حازم طلع فلاتي و بتاع عنده مراهقة متأخرة أنا قولت أقول ليكم عشان إحنا إخوات و أسرة في بعضينا
بصت لية بانتصار و خرجت بره الشركة و هي بتقول
ماشي يا حازم الكل لب أما وريتك مين هي جعفر مبقاش أنا رهف
مشت شوية و قالت
لا أنا مش قادره أستحمل أنا دمي محروق أوي هروح أشرب عصير قصب يمكن يطري على قلبي شوية
حازم في مكتبه مش طايق حد و متعصب على الآخر وليد كاتم ضحكته بالعافية و قال له ما خلاص بقي يا حازم عيلة و غلطت يا أخي متكبرش الموضوع
حازم بعصبية
الموضوع كبير أصلا يا وليد دي فضحتني في الشركة كلها قال بتاع قال إنت عارف أنا لو مسكتها هطلع زمارة رقبتها في ايدي
وليد بضحك 
إخص عليك و تسيبها تمشي من غير زمارة طب هتفضحك في مصر كلها إزاي
حازم بص ل وليد و قال بعصبية
إنت بتهزر يا وليد دا بدل ما تشوف ليا حل في المصېبة اللي حصلت دي 
وليد بهدوء
بسيطة إتجوزها
حازم برق و قال پصدمة
أتجوز مين يخويا جعفر دا لو طلعلها شنب هتبقي أرجل مني يا وليد
وليد في محاولة لإقناعة
بص يا حازم جوازك منها متوقف عليه حاجات كتير خد عندك يا سيدي هنتيح فرصة أكبر إن ملك و مالك يشوفوا بعض و يحلوا المشكلة اللي بينهم
منال هترجع تاني زي الأول و الحد اللي قيماه علينا دا هتشيله
الڤضيحة اللي حصلت في الشركة هيعتبروها خلاف على حاجة و كانت مضايقة منك فقالت الكلام دا
طب تأخد بقي الكبيرة يا زوما
البت دي بتحبك لا دي دايبة في هواك دوب يا حازم و بتغير عليك كمان
حازم بص ل وليد و قال
حب حب اية اللى إنت جاي تقول عليه يا وليد بقي جعفر دا يعرف معني الحب إنت بتبالغ مش أكتر
وليد بابتسامة هادئة 
بكرة تعرف يا حازم إن كلامي صح رهف بتحبك و بتغير عليك تقدر تفسرلي لية إضايقت من صور البنات اللي إنت شفتهم و على فكرة هي زعلت من كلمة جعفر و التريقة اللي إحنا عملناها عليها
حازم عقد حواجبه و قال
و إنت إيش عرفك يا فصيح عصرك و زمانك 
وليد إتنهد و قال
عشان منه و ملك زيها يا حازم لما بيزعلوا مش بيحبوا يعرفوا حد زعلهم و بيكتموا جواهم و رهف نفس النظام عنيها ل لحظة غرغرت بالدموع بس هي قدرت تسيطر على شعورها دا كويس أوي
حازم قعد على الكرسي و هو بيفكر ماليا في كلام وليد
ملك واقفة قدام الدلاب و بتخرج منه اللبس بتاعها و بتاخد رأي ملوك
طب بصي دا أكيد هيبقي حلو عليا دا كان بيوقف رجالة الحارة كلها على رجل لما كنت بلبسه و أنزل بيه
ملوك هزت رأسها بالنفي و هي بتشاور بصباعها ب

________________________________________
لا
ملك نفخت بضيق و قالت
لا مهو مش هينفع كدا أنا لازم ألقي حل للموضوع دا عاوزة لبس حلو عشان أعرف أروع الإنتر فيو
ملوك نفخت بضيق و راحت بصت على الدولاب طلعت منه دريس أبيض فيه ورود بامبي و اديته ل ملك بملل
ملك بصت لية بفرحه و قالت
آه يا بنت اللظينه انتي عارفة الدريس دا أبوكي كان
محرج عليا ألبسه
خطرت على بالها فكرة و قالت
طب والله فكرة جه وقت الاڼتقام يا مالك يا إبن أم مالك
و بصت ل ملوك و قالت
هو إنتي مش ناوية تتكلمي بقي تاني يا ملوك أنا مشتاقة أوي لصوتك بس انا مش هسكت هوديكي ل دكتوره تخاطب تبدأ معاكي من تاني و باذن الله هترجعي تتكلمي تاني و تصدعينا
ملوك حضنتها و فجأة لقوا باب الأوضة بيفتح و رهف داخلة زي القطر
ملك بصت عليها و قالت
سلاما قوما من رب الرحيم اية يا بت داخلة زي القضا المستعجل كدا لية 
رهف بحزن 
و النبي يا ملك سبيني يختي في حالي أنا اللي جرالي مجراش لحد و أنا دلوقتي زعلانة و مقهورة و شوية و هعيط
ملك بصت ل ملوك اللي هزت كتافها بمعني لا أدري و راحت قعدت جنب رهف تطبطب عليها
ملك بحيرة
أيوة يعني اية اللي مزعلك أوي كدا
رهف إنفجرت فيها و قالت
الوا طي بتاع اللي عنده مراهقة متأخرة بيقول عليا جعفر بقي أنا جعفر يا ملك
ملوك هزت رأسها بايجاب و ملك قالت
إنتي أول مرة تعرفي يا رهف إنك جعفر 
رهف عيطت و قالت
النبي لوريكوا لكلكم حتي إنتي يا ملوك عليا ساد و رب العباد
ملك بخبث 
قوليلي بس ايه حكاية البكيني دي و بعون الله حل جعفر عندي
رهف بلهفة
بجد يا ملك هتشوفي ليا حل 
ملك هزت رأسها بايجاب و قالت
عيب عليك يا بنتي دا إحنا إخوات
رهف بحماس
شوفي يا ستي أصل الواد حازم شاف صور المزز اللي مالك متصور معاهم و