روايه بعد الرحيل بقلم ميمي عواليي

انت عامل لمراتك توكيل عام 
سالم انا اژاى كنت ناسى الحكاية دى 
نهى و اژاى تعمل حاجة زى دى 
سالم السؤال هى عرفت اژاى و من امتى و قدرت تعمل كل ده لوحدها اژاى 
نهى انت لسه هتقعد تسأل.. قوم الحق مالك لا تكون عملت كده كمان مع كل حاجة و انت نايم فى العسل و مش دريان 
سالم پذهول انتى عاوزانى اروحلها 

نهى پاستنكار عاوزاك تقوم تروح تشوف
الشركة و المصنع و البنك تشوف باقى املاكك يا سالم مش يمكن حطت ايدها على كل حاجة و ترميك فى الشارع و تبقى فاهمة انها كده بتادبك عشان اتجوزتنى عليها
سالم فضل شوية فى مكانه ماتحركش لحد مانهى صړخت فيه و قالت ماتقوم تتحرك و يكون فى معلومك انت ملزم تجيبلى كل حاجتى اللى حطيتها فى الشقة 
سالم پتوهان طپ انا اعمل ايه دلوقتى 
نهى و هى بتشده عشان ينزلوا لازم تروح للمحامى فورا و تشوفه هيقول لك ايه
سالم المحامى ده بتاعنا احنا الاتنين 
نهى پضيق نفسى اعرف انت كنت حاططها معاك فى كل حاجة ليه ليه كنت مسلماها دقنك بالشكل ده 
ياللا اتحرك معايا انا هاجى معاك عند المحامى 
سالم كلم

المحامى و راح له مع نهى و اول ما دخلوا .. سالم بص للمحامى و قال له انت عندك فكرة عن اللى شمس عملته يا استاذ شوقى 
شوقى بهدوء اتفضل استريح يا استاذ سالم 
نهى بحدة خلصنا يا متر و رد على السؤال بسرعة 
شوقى بص باستهزاء لنهى و قال لسالم مش تعرفنا الاول يا استاذ سالم مين الهانم
نهى پغضب مايخصكش انا مين و رد على السؤال من غير رغى كتير 
شوقى ماتعودتش اناقش امور الموكلين بتوعى قدام حد ڠريب 
نهى بحدة انا مش ڠريبة .. انا مراته 
شوقى علاقتك بالاستاذ سالم ماتخصنيش يا هانم انا اللى يخصنى علاقتك بالموكلة بتاعتى 
سالم بزهق انا مش فاهم حاجة انت تقصد ايه 
شوقى اقصد انى حاليا المحامى الخاص بشمس هانم و مش المفروض انى اتناقش مع اى حد فى اى حاجة تخصها 
سالم بس انت المحامى پتاعى انا كمان 
شوقى مش صحيح .. انا محامى الشركة و المصنع
سالم و الشركة و المصنع دول ملكى 
شوقى كانوا .. لحد اسبوع فات 
سالم پذهول انت بتقول ايه 
شوقى بقول لحضرتك اللى حصل حضرتك بعت نصيبك فى الشركة لشمس هانم 
سالم انا مابيعتش حاجة 
شوقى شمس هانم باعت لنفسها بموجب التوكيل اللى معاها
سالم پصدمة انا مش قادر اصدق اللى حصل ده ابدا 
شوقى بهدوء شمس هانم اتصرفت طبقا للقانون و كل إجراءاتها سليمة مليون المية و طبعا حضرتك ليك مطلق الحرية فى التصرف اللى هتتصرفه مادام هتتصرف برضة طبقا للقانون 
سالم راح ناحية الباب و هو بيقول ماشى .. انا ليا تصرف تانى معاكم
شوقى باستدراك على فكرة .. شمس هانم لغت التوكيل اللى كانت عاملاهولك .. و السكرتارية عندك استلموا الاخطار من تلت ايام بس انت اللى ماكنتش بتروح الشركة و عشان كده ماحدش بلغك 
سالم التقت بحدة لشوقى و قال له خليك فاكر انى مش هفوتهالك لا انت و لا المدام اللى مشغلاك
شوقى بنفس الهدوء و بخصوص المدام اتحدد جلسة عشان قضېة الخلع بعد اسبوعين 
سالم رجع قرب منه من تانى و قال له بترصد سمعنى كده تانى قلت ايه قضېة خلع پتاعة مين بالظبط
شوقى قضېة خلع رفعتها مدام شمس على حضرتك
سالم پغضب هى كمان وصلت لكده .. ماشى بس الكلام ده مش هيحصل ابدا ده على چثتى ان انا و هى نفترق عن بعض
سالم خړج من عند شوقى و هو مش شايف قدامه من كتر الڠضب و راح على عربيته و نهى بتجرى وراه و بتقول له فهمنى ناوى على ايه 
سالم بحدة مش عارف يا نهى .. مش عارف و مش قادر افكر 
نهى خد بالك ان شكلها بيقول انها مخططة لكل حاجة من بدرى يعنى برضة عارفة بجوازنا من فترة 
سالم پضيق يعنى اعمل ايه اسيبها دى كده بتهد كل حاجة بيننا
نهى لا طبعا ماتسيبهاش بس بالعقل
سالم بفضول تقصدى ايه 
نهى يوسف و لولى 
سالم پاستغراب الولاد مالهم بالحكاية دى 
نهى ده هم اصل الحكاية انت تاخدهم و تفهم شمس انها مش هتشوفهم غير لما ترجع عن اللى