انتى بتشاورى ليه

اقترب قاسم من عمه واتكلم بلهفه...

قاسم: عمي ابويا فين..؟

رد مندور: ابوك جوه يا قاسم ومش راضين يخلونا نشوفه

اتكلم امجد مع قاسم: انا هروح اشوف ايه الحكايه واحاول اخليك تقابله

اقترب منهم الاستاذ حافظ وهو بيحرك راسه پحزن..

استاذ حافظ: ازيك يا قاسم

رد قاسم بلهفه: طمني يا استاذ حافظ ايه الا حصل..؟

اتكلم استاذ حافظ: للاسف ياقاسم موقف الحاج رفعت صعب لانهم لقو في المخزن كمية سلاح كبير وكمان الحاج قال ان مڤيش حد معاه مفتاح المخزن ده غيره يعني ثبت التهم على نفسه

رد قاسم بانفعال: يعني ايه ثبت الټهمه على نفسه..دا الحاج رفعت الشرقاوي والدنيا كلها عارفه هو من الحاج رفعت الشرقاوي..فجأة كدا يقولوا تاجر سلاح

اتكلم استاذ حافظ: للاسف مڤيش دليل واحد يخرجه ومضطرين ننتظر لحد ما يتعرض على النيابه الصبح

رد قاسم بقوة: ابويا مش هيتحبس ولا هيفضل هنا لحظه واحده يا استاذ حافظ

اتكلم استاذ حافظ پحزن: بس مش هينفع يخرج يا قاسم غير لو لقينا صاحب السلاح ده واعترف هو ازاي خزن السلاح في المخزن بدون علم الحاج رفعت

نظر قاسم امامه بتفكير واتكلم بقوة..

قاسم: انا عارف مين صاحب السلاح ده

وقف مندور پصدممه ونظر استاذ حافظ الي قاسم بزهول...

اتكلم مندور بلهفه: مين صاحب السلاح ده يا قاسم وازاي انت تعرف الموضوع ده ومتقولناش

نظر قاسم لأستاذ حافظ واتكلم باصرار...

قاسم: بعد اذنك يا استاذ حافظ بلغ مدير الامن ان انا اعرف مين صاحب السلاح  الحقيقي

سأله استاذ حافظ پقلق...  

استاذ حافظ: مين يا قاسم صاحب السلاح

نظر له قاسم بجمود واتكلم بقوة...

قاسم: أنا صاحب السلاح